ကန်ပက်လက်မြို့ပေါ်ရှိ စစ်ကောင်စီတပ်ဖွဲ့များကို CDF ကန်ပက်လက် ဝင်ရောက်ပစ်ခတ် စစ်သား ၃ ဦး သေဆုံး

ရန်ကုန်၊ ဇန်နဝါရီ ၃၁

ချင်းပြည်နယ်၊ ကန်ပက်လက်မြို့ မြို့နယ်ပညာရေးမှူးရုံ၊ မြို့နယ်အုပ်ချုပ်ရေးမှူးရုံး၊ ရန်အောင်စေတီတို့တွင် တပ်စွဲထားသော အကြမ်းဖက်စစ်ကောင်စီတပ်ဖွဲ့ကို ယနေ့ ဇန်နဝါရီလ ၃၁ ရက် နံနက် ၆ နာရီခွဲတွင် CDF ကန်ပက်လက်က ဝင်ရောက်ပစ်ခတ်ခဲ့ပြီး စစ်သား ၃ ဦး သေဆုံးကြောင်း သတင်းရရှိသည်။ပစ်ခတ်တိုက်ခိုက်မှုသည် ၁ နာရီခွဲကျော် ကြာမြင့်ခဲ့ပြီး CDF ကန်ပက်လက်တပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း CDF ကန်ပက်လက်က သတင်းထုတ်ပြန်သည်။