ရန်ကုန်၊ ဖေဖော်ဝါရီ ၁
ဖေဖော်ဝါရီ ၁ ရက်နေ့ စစ်အာဏာသိမ်းမှုကို တော်လှန်သော ၁ နှစ်ပြည့် အဖြစ် မြန်မာနိုင်ငံတစ်ဝန်းလုံး စစ်အာဏာရှင်ဆန့်ကျင်ရေး အသံတိတ် သပိတ်များကို နံနက် ၁၀ နာရီမှ ညနေ ၄ နာရီအထိ ပြည်သူများက ပြုလုပ်ခဲ့ရာ ညနေ ၄ နာရီထိုးချိန်တွင် အသံတိတ် သပိတ်ပြီးဆုံးသည့်အထိမ်းအမှတ် လက်ခုပ်သံများ၊ ဟွန်းတီးသံများနှင့် သံပုံးတီးများ သောသောညံအောင် နိုင်ငံတစ်ဝန်း မြည်ဟိန်းသွားကြောင်း သိရှိရသည်။စစ်ကောင်စီက မည်သို့ပင် တားဆီးစေကာမူ စစ်အာဏာရှင်ဆန့်ကျင်ရေး အသံတိတ် သပိတ်မှာ နိုင်ငံတစ်ဝန်း အောင်မြင်စွာ ပြီးဆုံးခဲ့ကြောင်း သိရှိရသည်။
