ရန်ကုန်၊ ဖေဖော်ဝါရီ ၁၁
စစ်ကိုင်းတိုင်း၊ ဒီပဲယင်းမြို့ပေါ်တွင် ရဲတပ်သား နေလင်းထွန်း ဖေဖော်ဝါရီ ၁၀ ရက်နေ့တွင် အသတ်ခံရကြောင်း ဒေသခံများထံမှ သိရှိရသည်။ “မနေ့က ဒီပဲယင်းမြို့ပေါ်က ရဲခွေးတစ်ကောင်အသတ်ခံရပြီး ကားလမ်းဘေးမှာဗိုက်ဖောက်ပြီး ပစ်ထားခဲ့တယ်။နယ်ပြောင်းလာတာ တစ်လလောက်ပဲရှိဦးမယ်။ ရဲက လူပျိုလူလွတ်။ အလောင်းမှာ ရဲဝေလင်းထွန်း လို့နာမည်ရေးထားခဲ့တယ်။ဒီပဲယင်းမြို့ပေါ်မှာတာဝန်ကျတဲ့ ရဲပဲ။ ခြေထောက်တွေ လက်တွေကိုကြိုးတုတ် ပါးစပ်အဝတ်စတွေစို့ပြီး သတ်ထားခဲ့တာ။ ရေဦးမြို့နယ်နှင့်ဒီပဲယင်းမြို့နယ်အစပ်ကားလမ်းဘေးမှာ။ ရဲနာမည်က နေလင်းထွန်းလို့ သိရတယ်” ဟု ဒေသခံတစ်ဦးက ပြောသည်။ လက်ရှိတွင်အဆိုပါရဲ အသတ်ခံရမှုနှင့်ပတ်သက်ပြီး ဒေသခံ လူငယ်များက စစ်တပ်၏ ရန်ရှာ ဖမ်းဆီးခံရမည်ကို စိုးရိမ်၍ ထွက်ပြေးနေကြရကြောင်း သိရှိရသည်။