ရန်ကုန်၊ ဖေဖော်ဝါရီ ၁၁
စစ်ကိုင်းတိုင်း တန့်ဆည်မြို့နယ် ကာပေါင်းကျရွာကို ယနေ့ ဖေဖော်ဝါရီလ ၁၁ ရက်နေ့ ညနေ ၃နာရီခန့်က စတင်ကာ ပေချောင်ရွာကို မီးရှို့ဖျက်ဆီးခဲ့သော အကြမ်းဖက် စစ်ကောင်စီ တပ်ဖွဲ့က ကျေးရွာအတွင်းသို့ ဝင်ရောက် စီးနင်းကာ မီးရှို့ဖျက်ဆီးလျက်ရှိကြောင်း ဒေသခံပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။ ” ပေချောင်ရွာကို ၂ရက်ဆက်တိုက် မီးရှို့ဖျက်ဆီးခဲ့တဲ့ စစ်ခွေးတွေ အခုလည်း ကာပေါင်းကျရွာကို မီးထပ်ရှို့နေတယ်။ မီးခိုးလုံးတွေတော့ မြင်နေရတယ်။ အင်အား ၁၅ဝကျော်လောက်ရှိမယ်။ ရွာထဲမှာတော့ ဘယ်သူမှ မရှိတော့ဘူး ပြေးနေကျရတာ ပျက်စီးဆုံးရှုံးမှု အခြေအနေတော့ မသိရသေးဘူး။ ရွာနားကို ဘယ်သူ့မှလည်း မကပ်ရဲဘူး” ဟု ဒေသခံပြည်သူ တစ်ဦးကပြောဆိုသည်။
