မဟာအောင်မြေမြို့နယ် ထွေ/အုပ်ရုံးအနီးတွင် စစ်အာဏာရှင်ဆန့်ကျင်ရေး ဆေးမှုတ်သပိတ်ပြုလုပ်ပြီး လက်ပစ်ဗုံးအတု ထားခဲ့သဖြင့် စစ်ကောင်စီတပ်များ လမ်းပိတ် ဖယ်ရှားရ

ရန်ကုန်၊ ဧပြီ ၂

မန္တလေးတိုင်း၊ မဟာအောင်မြေမြို့နယ်၊ လူစည်ကားရာ ၆၆ လမ်း၊ သိပ္ပံလမ်းနှင့် ၄၃ လမ်းကြား ထွေ/အုပ်ရုံးအနီးတွင် ဧပြီလ ၂ ရက်နေ့ နံနက်ပိုင်းစစ်အာဏာရှင်ဆန့်ကျင်ရေး ဆေးမှုတ်သပိတ်ပြုလုပ်ပြီး လက်ပစ်ဗုံးအတု ထားခဲ့သဖြင့် စစ်ကောင်စီတပ်များ လမ်းပိတ် ဖယ်ရှား ရှင်းလိုက်ရကြောင်း သိရှိရသည်။

အဆိုပါ ထွေအုပ်ရုံးကို ယမန်နေ့က PDF က ပစ်ခတ်တိုက်ခိုက်မှုများ လုပ်ဆောင်ခဲ့သဖြင့် တပ်စွဲထားသော စစ်ကောင်စီတပ်များ ထိခိုက်ဒဏ်ရာရရှိမှုများဖြစ်ပေါ်ခဲ့သည်။