ပခုက္ကူ၊ ကျတ်ထိုး ရဲကင်းစခန်းမှ ရဲတပ်သား ဖြိုးမင်းအောင် လက်နက်နှင့်တကွ MVRF ထံ အလင်းဝင်

ရန်ကုန်၊ ဇွန် ၄

မကွေးတိုင်း၊ ပခုက္ကူခရိုင်၊ ကမ္မမြို့နယ်၊ ကျတ်ထိုးနယ်မြေ ရဲကင်းစခန်းမှ ရဲတပ်သား ဖြိုးမင်းအောင်သည် ယမန်နေ့ ဇွန်လ ၃ ရက်တွင် လက်နက်နှင့်တကွ အလင်းဝင်လာကြောင်း မြိုင်မြို့နယ်ကျေးရွာများ တော်လှန်ရေးတပ်ဦး MVRF ထံမှ သိရှိရသည်။

ရဲတပ်သားဖြိုးမင်းအောင်သည် G3 အမျိုးအစား သေနတ် ၁ လက်၊ ကျည်ဘောက် ၂ ခု၊ ကျည် ၁၀၉ တောင့်နှင့် အတူ အလင်းဝင်လာခဲ့ခြင်းဖြစ်သည်။

အဆိုပါ ရဲတပ်သား ဖြိုးမင်းအောင်ကို MVRF က ငွေကျပ် သိန်း ၁၀၀ ဂုဏ်ပြုချီးမြှင့်ခဲ့ကြောင်း သိရှိရသည်။