ရန်ကုန်၊ နိုဝင်ဘာ ၂၇
ရန်ကုန်တွင် မရမ်းကုန်းမြို့နယ် ကျောင်းသားများ သမဂ္ဂ (ဗကသများ အဖွဲ့ချုပ်) မှ ဦးဆောင်ကာ ယနေ့ နိုဝင်ဘာလ ၂၇ ရက်နေ့တွင် သခင်ဗဟိန်း ကျဆုံးခြင်း ၇၆နှစ်ပြည့် “မြင်းခွာတစ်ချက်ပေါက်ရင် မီးဟုန်းဟုန်း တောက်စေ့မယ်” စာတန်းနှင့် လူထုဒေါ်အမာ ၁၀၇ နှစ်ပြည့် “အာဏာရှင်လက်ဆုပ်ထဲကအာဏာကိုဖြည်ယူလို့မရဘူးဖြုတ်ယူမှရမယ်” ပိုစတာစာရွက်များ ကျဲချကာ စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်ခဲ့ကြောင်း သိရသည်။
