32 C
Yangon

ခင်ရီ၏ အကြံပြုချက်အတိုင်း ရန်ကုန်တွင် ကြံ့ဖွတ်ပါတီဝင်နှင့် အမာခံ ၃၆၄ ဦးကို အုပ်ချုပ်ရေးမှူး ၇၂ နေရာနှင့် ရာအိမ်မှူး ၂၉၂ နေရာတွင် အစားထိုးခန့်အပ်

Must read

ရန်ကုန်၊ ဒီဇင်ဘာ ၂၁

ရန်ကုန်တိုင်းအတွင်းမြို့နယ်များတွင် ကြံ့ဖွတ်ပါတီဝင်နှင့် အမာခံ ၃၆၄ ဦးကို အုပ်ချုပ်ရေးမှူးနှင့် ရာအိမ်မှူးများအဖြစ် ခန့်အပ်လိုက်ပြီး အဆိုပါ ခန့်အပ်မှုများသည် ကြံ့ဖွတ်ဥက္ကဋ္ဌ ခင်ရီ၏ အကြံပြု ချက်အတိုင်း စစ်ကောင်စီက လိုက်ပါဆောင်ရွက်ခြင်းဖြစ်ကြောင်း ရန်ကုန်တိုင်းအစိုးရ သတင်းရပ်ကွက်ထံမှ သိရှိရသည်။

ယခုဒီဇင်ဘာလဆန်းပိုင်းမှ လလယ်ပိုင်းအထိ ရပ်ကွက်အုပ်ချုပ်ရေးမှူး ၇၂ ဦး၊ ရာအိမ်မှူး ၂၉၂ ဦးကို အနားပေးလိုက်ပြီး ယင်းတို့၏ နေရာတွင် ကြံ့ဖွတ်ပါတီဝင်နှင့် အမာခံများကို အစားထိုးလိုက် ခြင်းဖြစ် ကြောင်း သိရှိရသည်။

“မင်္ဂလာဒုံမှာ အုပ်ချုပ်ရေးမှူး ၁၄ နေရာကို စစ်မှုထမ်းဟောင်း၊ ကြံ့ဖွတ်တွေချည်းပဲ အစားထိုး လိုက်တယ်။ ရာအိမ်မှူးတွေလည်း အတူတူပဲ” ဟု မင်္ဂလာဒုံဒေသခံတစ်ဦးက ပြောဆိုသည်။

ကြံ့ဖွတ်ပါတီဝင်များကို ရပ်ကွက်နှင့်ကျေးရွာအုပ်ချုပ်ရေးမှူးများအဖြစ် ခန့်အပ်ခြင်းမှာ ကြံ့ဖွတ်ပါတီ ဥက္ကဋ္ဌ ခင်ရီ ရေးဆွဲထားသော လုံခြုံရေးစီမံချက်အရ ဆောင်ရွက်ခြင်းဖြစ်ကြောင်း၊ ကြံ့ဖွတ်ပါတီ ဥက္ကဋ္ဌ ခင်ရီက ပါတီဝင်များ၏ လုံခြုံရေးအတွက် စီမံချက်များ ရေးဆွဲ ထားပြီဖြစ်ကာ မျက်ရည် ကိုသုတ်၊ ဓားကို ဆုပ်ပြီး ရှေ့တစ်လှမ်းတိုးရ မည် ဟု ပြောဆိုပြီးနောက် အောက်ခြေ ရပ်ကွက် အုပ်ချုပ် ရေးယန္တရားကို ကြံ့ဖွတ်ပါတီ ဝင်တချို့ဖြင့် အစားထိုးလာခြင်းဖြစ်ကြောင်း စုံစမ်းသိရှိရသည်။

- Advertisement -spot_img

More articles

- Advertisement -spot_imgspot_imgspot_imgspot_img

Latest article