ထန်တလန်တွင် CB ဘဏ်ထဲမှာ စစ်ကောင်စီတပ် သား ၆ ဦးကို လက်နက်ခဲယမ်းများနှင့်အတူ ဖမ်းဆီးရမိ
ရန်ကုန်၊ ဖေဖော်ဝါရီ ၁
ချင်းပြည်နယ်၊ ထန်တလန်မြို့အတွင်းရှိ CB ဘဏ်ထဲမှ စစ်ကောင်စီတပ်သား ၆ ဦးကို လက်နက်များနှင့်အတူ ယနေ့ ဖမ်းဆီးရမိကြောင်း CDF- CNA တာဝန်ရှိသူတစ်ဦးက ပြောဆိုသည်။
ဖေဖော်ဝါရီလ ၁ ရက်နေ့ နံနက်ပိုင်းတွင် ယင်းသို့ ဖမ်းဆီးလိုက်ခြင်းဖြစ်ကြောင်း၊ လက်နက် ၇ လက် ၊ ဗုံးသီများနှင့်အတူ ဖမ်းဆီးရမိခြင်း ဖြစ်ကြောင်း သိရှိရသည်။
“CB ဘဏ်ထဲမှာရှိနေတဲ့ စစ်သား ၆ ဦးကို ကျနော်တို့က ခြုံခိုတိုက်ခိုက်ပြီး ဝင်ဖမ်းလိုက်တာပါ။ လက်နက်တွေရော ။ လူတွေ ရော အကုန်ရပါတယ်” ဟု CDF- CNA တာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောဆိုသည်။
