ကယားရှိ စစ်ဘေးရှောင်များကို ကျေးလက်မြေအဖွဲ့ ထမင်း၊ ဟင်းများလှူဒါန်း
ရန်ကုန်၊ ဖေဖော်ဝါရီ ၂၅
ကယားရှိ စစ်ဘေးရှောင်အချို့ကို ပြည်သူမှ ပြည်သူ့ထံ အကူအညီနှင့်အတူ ကျေးလက်မြေအဖွဲ့မှ ထမင်း၊အမဲသားဟင်း ၊ အထောင်းများ လှူဒါန်းခဲ့ကြောင်း သိရှိရသည်။
ကယားတွင် စစ်ရှောင်လူဦးရေ ၂ သိန်းကျော်အထိရှိနေကြောင်းနှင့် စစ်ရှောင်များကို စိတ်ခွန်အားပေးခြင်း၊လူ့အခွင့်အရေး၊ကျားမတန်းတူရေးသင်တန်းများပေးခြင်း၊ ဆန်,ဆီ, အဝတ်အထည်လှူဒါန်းခြင်း၊ သောက်သုံးရေလှူဒါန်းခြင်းများ အပါအဝင် စာသင်ကြားရာတွင် အထောက်အကူ ဖြစ်စေရန် အထက်တန်း ကျောင်းသူ ကျောင်းသား ၁၀ ဦး၊ အလယ်တန်း ကျောင်းသူ ကျောင်းသား ၁၅ ဦး စုစုပေါင်းကျောင်းသူ ကျောင်းသား ၂၅ ဦးရဲ့ လစဉ်ကျောင်းလခကို ကူညီထောက်ပံ့ပေးခြင်း၊ မူလတန်းနှင့် အထက်တန်းပြဆရာ ဆရာမအချို့အတွက် အကူအညီပေးခြင်းတို့ လုပ်ဆောင်နေကြာင်း ကျေးလက်မြေအဖွဲ့၏ နာယက ဦးဇော်မင်းထိုက်က ပြောသည်။
