ကနီမြို့နယ်အတွင်းရှိ စစ်ဘေးရှောင် စာသင်ကျောင်းကို S&C အဖွဲ့က သင်ထောက်ကူ ပစ္စည်းများ လှူဒါန်း

ကနီမြို့နယ်အတွင်းရှိ စစ်ဘေးရှောင် စာသင်ကျောင်းကို S&C အဖွဲ့က သင်ထောက်ကူ ပစ္စည်းများ လှူဒါန်း

ရန်ကုန်၊ မတ် ၁

စစ်ကိုင်းတိုင်း၊ ကနီမြို့နယ်အတွင်းရှိ စစ်ဘေးရှောင် စာသင်ကျောင်း တစ်ကျောင်းကို S&C အဖွဲ့က သင်ထောက်ကူ ပစ္စည်းများ လှူဒါန်းခဲ့ကြောင်း သိရသည်။

S&C မီးဘေး စစ်ဘေး ပညာရေးစောင့်ရှောက်မှု အဖွဲ့၏ ယခုအကြိမ် လှူဒါန်းမှုသည် ၉ ကျောင်းမြောက် စစ်ဘေးရှောင် စာသင်ကျောင်းကို လှူဒါန်းခြင်းကြောင့် ဖြစ်ကြောင်း၊ စစ်ကြောင့် စာမသင်ကြားရသည့် ကလေးများ အတွက် ဆက်လက်၍ စစ်ရှောင် ကျောင်းများ ဖွင့်လှစ်နိုင်ရန် S&C အဖွဲ့သားများမှ ကြိုးစားလျက် ရှိကြောင်း၊ မိဘပြည်သူများ အနေဖြင့်လည်း သင်ထောက်ကူနှင့် လိုအပ်သည်များကို S&C မီးဘေးစစ်ဘေးပညာရေး စောင့်ရှောက်မှုအဖွဲ့ pageတွင် လာရောက် လှူဒါန်းနိုင်ကြောင်း သိရသည်။