Khit Thit သတင်းဌာန၏ မတ် ၆ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၆ ရက် မနက်ပိုင်းတင်ဆက်ပေးမယ့်သတင်းတွေကတော့
-ပဲခူးတိုင်းအတွင်း အကြမ်းဖက်စစ်ကောင်စီက အာဝါဒေး၊ ဂျင်၀ိုင်း၊ ကြက်၀ိုင်း ၊ နှစ်လုံးထီ၊ သုံးလုံးထီ အပါအဝင် လောင်းကစား၊ အရက်၊ မူးယစ်ဆေးဝါး၊ ပြည့်တန်ဆာလုပ်ငန်းမှန်သမျှကို စစ်တပ်နဲ့ ရဲက ဖမ်းဆီးတာမျိုး လုံး၀ မရှိတော့ဘဲ ခွင့်ပြုနေတယ်လို့ သိရပါတယ်။
– မကွေးတိုင်း၊ မြိုင်မြို့နယ် ကန်နီပျူစောထီးရွာကနေ မြိုင်မြို့ပေါ်ကို စျေးဝယ်ထွက်လာတဲ့ စစ်တပ် စစ်ကြောင်း ကို ဒရုန်းနဲ့ ဗုံးကျဲကာ၊ မိုင်းဆွဲ တိုက်ခိုက်တာတွေကြောင့် စစ်သား ၇ ဦးသေကာ ၁၄ ဦး ဒဏ်ရာရ တယ်လို့ မြိုင်မြို့နယ် ပကဖတပ်ဖွဲ့မှ တာဝန်ရှိသူတစ်ဦးက ပြောပါတယ်။
– ကရင်ပြည်နယ်နဲ့ မွန်ပြည်နယ်တို့ကို ဖြတ်သန်းပြီး တရားမဝင်လိုင်စင်မဲ့ကားသယ်ယူမှုတွေ၊ ကျွဲနွားတင်ပို့မှုတွေ၊ သစ်တင်ပို့မှုတွေ အလွန်မြင့်တက်လာနေပြီး လမ်းကြောတစ်လျှောက် တာဝန်ကျ အဖွဲ့အစည်း၊ စစ်တပ်နဲ့ ရဲတပ်ဖွဲ့ ဝင်တွေ အကြီးအကျယ် စီးပွားဖြစ်နေတယ်လို့ သိရပါတယ်။
