မလေးရှားနိုင်ငံ ကွာလာလာပူမြို့တွင် ချင်းတော်လှန်ရေးတပ်ဖွဲ့အတွက် ရန်ပုံငွေ ရှာဖွေခြင်း အခမ်းအနားပြုလုပ်
ရန်ကုန်၊ ဧပြီ ၂၄
မလေးရှားနိုင်ငံ ကင်ပုန်း ကွာလာလာပူမြို့တွင် အကြမ်းဖက်စစ်အာဏာရှင် ဖြုတ်ချရေးလုပ်ဆောင်နေသည့် MTC/ MDF မရာ အုပ်ချုပ်ရေး ကောင်စီ/ မရာ land defense force (MDF)အတွက် ရန်ပုံငွေ ရှာဖွေခြင်းအခမ်းအနားကို မလေးရှားရောက် တော်လှန်ရေးအင်အားစုများက ကျင်းပ ပြုလုပ်ခဲ့ကြသည်။
ရန်ပုံငွေရှာဖွေခြင်းအခမ်းအနားတွင် ဘောလုံးအသင်းနှင့် ဘောလီဘော အသင်းပေါင်း ၄၁ သင်း ပါဝင်ယှဉ်ပြိုင်ခဲ့ပြီး ရိုးရာ အစားအစာမျိုးစုံ အအေးမျိုးစုံ တော်လှန်ရေး ရန်ပုံငွေ ရှာဖွေခြင်းများ ပြုလုပ်ခဲ့သည်။
အခမ်းအနားကို လာရောက် အားပေးသူပေါင်း လူဦးရေ ၁၀၀၀ နီးပါးရှိပြီး မလေးရှားငွေ( RM 36168) ၊ မြန်မာ ငွေ ကျပ် ၂၂၃ သိန်းကျော် ရရှိခဲ့ကြောင်း သိရှိရသည်။
