Khit Thit သတင်းဌာန၏ မေ ၃ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မေ ၃ ရက် ညနေပိုင်းတင်ဆက်ပေးမယ့်သတင်းတွေကတော့
-NLD အစိုးရလက်ထက်မှာ စစ်တပ်ထောက်ခံတဲ့ ၅၀၀၀ စား လူဆိုး၊ လူမိုက်တွေကို စုဆောင်းပေးခဲ့သူ ရန်ကုန်တိုင်း စီးပွားရေးဝန်ကြီးဟောင်း အောင်သန်းဦး ဆိုသူဟာ ဒီကနေ့ မေလ ၃ ရက်နေ့မှာပဲ အင်းစိန် ထောင်တွင်း အဖျားရောဂါ နဲ့ သေသွားတယ်လို့ ဆန်ကုန်သည်အသိုင်းအ၀ိုင်း သတင်းရင်းမြစ်က ပြောပါတယ်။
– မန္တလေးတိုင်း၊ ကျောက်ပန်းတောင်းမြို့နယ်က အကြမ်းဖက် စစ်ကောင်စီရဲ့ ပွေးကျစ်-ရဲစခန်းကို မေလ ၂ ရက်နေ့က PDF တပ်ဖွဲတွေကနေ ဝင်ရောက် တိုက်ခိုက်ရာမှာ ရဲ ၂ ဦးသေသွားသလို ၊လက်နက် ၈ လက်ကိုပါ သိမ်းဆည်းရရှိထားတယ်လို့ NUG အစိုးရ ကာကွယ်ရေး ဝန်ကြီးဌာနကနေ တရားဝင် ထုတ်ပြန်ထားပါတယ်။
-မန္တလေးမြို့၊ ပြည်ကြီးကြီးတံခွန်မြို့နယ် ၊ အထွေထွေအုပ်ချုပ် ရေးမှူးရုံးကို မြနန္ဒာ စစ်ဆင်ရေး အဖွဲ့ကနေ လက်နက်ငယ်တွေနဲ့ ဝင်ရောက် ပစ်ခတ်တိုက်ခိုက်တဲ့အပြင် ၊ လက်ပစ်မိုင်းနဲ့ဖောက်ခွဲ တိုက်ခိုက်ရာမှာ အဲ့ဒီ့ ရုံးမှာတပ်စွဲထားတဲ့ အကြမ်းဖက်စစ်ကောင်စီတပ်သား ၅ ဦးသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
