ရှမ်းတောင် အမှတ် ၁၀၀၈ တပ်ရင်းမှ ရဲဘော်များ အရေးပေါ် ကျည်လိုအပ်နေ၍ မဲလက်မှတ်များ ရောင်းချမည်
ရန်ကုန်၊ ဇူလိုင် ၃၁
ရှမ်းတောင် အမှတ် ၁၀၀၈ တပ်ရင်းမှ ရဲဘော်များ အရေးပေါ် ကျည်လိုအပ်နေ၍ မဲလက်မှတ်များ ရောင်းချမည်ဖြစ်ကြောင်း ၁၀၀၈ SSRY တပ်ရင်းမှ တပ်ထောက်ဗိုလ် ကိုတွတ်က ရန်ကုန်ခေတ်သစ် မီဒီယာသို့ ပြောဆိုသည်။
ဖက်ဒရယ်ဒီမိုကရေစီပေါ်ပေါက်လာရေးနှင့် တိုင်းရင်းသားအခွင့်အရေးတန်းတူရရှိရန် ရည်ရွယ်ကာ လူမျိုးပေါင်းစုံ ဘာသာပေါင်းစုံနှင့် ဖွဲ့စည်းထားသည့် ရှမ်းတောင် ၁၀၀၈ တပ်ရင်းတွင် တာဝန်ထမ်းဆောင်နေသော ရဲဘော်များကို အရေးပေါ် ကျည်ဖြည့်တင်းနိုင်ရန် တပ်ရင်းမှ ပထမဆုံး ပြုလုပ်မည့် မဲအစောင် ၂၀၀၀ challenge ကို (၁)လအတွင်းပြည့်မှီအောင် ပါဝင်ပေးကြရန် ပြည်သူများကို တိုက်တွန်းထားကြောင်း သိရသည်။
“နှုတ်ခမ်းနီလည်းကူ ဆုတွေလည်းယူ”challenge တွင် 7.62 *5000 bullets နှင့် 5.56*5000 bullets သတ်မှတ်ထားပြီး Target သည် သိန်း ၆၀၀ ဖြစ်ကြောင်း သိရှိရသည်။
ကံစမ်းရမည့် ပစ္စည်း ၆ မျိုးမှာ ပထမဆု- ဆိုင်ကယ်( Royal Enfield Classic 350X)Thunderbird 2019 Model ၊ဒုတိယဆု- စိန်လက်စွပ် (USA မှအလှူရှင်တစ်ဦးလှူဒါန်းထားသော စိန်လက်စွပ်လေးပါ) ၊ တတိယဆု- ပန်းချီကား (Oil Color 30×36 – Artist AKK) ၊ စတုတ္ထဆု- အမေစုပုံဆွဲပြား၊ ပဥ္စမဆု- ပန်းချီကား (Oil Color 18×24 – Artist AKK) နှင့် ဆဌမဆု- ပန်းချီကား (အနီရောင်) တို့ဖြစ်ပြီး မဲတစ်စောင် ၃၀,၀၀၀ (သုံးသောင်း) ဖြင့် ဝယ်ယူနိုင်ပြီး https://www.facebook.com/profile.php?id=100083288321728…
1008 (SSRY) ၁၀၀၈တပ်ရင်း၊ ရှမ်းတောင်၏ Facebook page ကို ဆက်သွယ် လှူဒါန်းနိုင်ကြောင်း ၁၀၀၈ SSRY တပ်ရင်းမှ တပ်ထောက်ဗိုလ် ကိုတွတ်က ဆက်လက်ပြောဆိုသည်။
