Khit Thit သတင်းဌာန၏ အောက်တိုဘာ ၃ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၃ ရက် ညနေပိုင်းတင်ဆက်ပေးမယ့်သတင်းတွေကတော့
– အကြမ်းဖက် စစ်တပ်က တိုင်းရင်းသား အင်အားစု ခေါင်းဆောင်တချို့ ကို လှည့်စား သိမ်းသွင်းဖို့ ကြိုးစားနေပြီး သပ်လျှို သွေးထိုးမှုတွေ လုပ်ဆောင်နေတဲ့အတွက် တော်လှန် ရေး အင်အားစုတွေ အနေနဲ့ အထူးဂရုပြုကြဖို့ အမျိုးသားညီညွတ်ရေးအစိုးရ NUG ရဲ့ ယာယီသမ္မတ ဒူဝါလရှီးလ က သတိပေး ပြောဆိုလိုက်ပါတယ်။
– မြန်မာနိုင်ငံမှာ စစ်အာဏာသိမ်းပြီးနောက် ဘိန်းစိုက်ပျိုးမှု ၃၃ ရာခိုင်နှုန်း တက်လာပြီး ဘိန်းထုတ် လုပ်မှုတွေ ၊ စိတ်ကြွ မူးယစ်ဆေးပြား ထုတ်လုပ်မှုတွေ မြင့်တက်လာတဲ့အပြင် ၊ အွန်လိုင်းဆိုက်ဘာ လိမ်လည်မှုတွေနဲ့ လူကုန်ကူးမှုတွေလည်း အချက်အချာဖြစ်လာနေတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စား လှယ် သံအမတ်ကြီး ဦးကျော်မိုးထွန်းက ပြောပါတယ်။
– ကရင်ပြည်နယ်၊ KNU တပ်မဟာ ၅ နယ်မြေမှာ စက်တင်ဘာလ အတွင်း ဖြစ်ပွားခဲ့တဲ့ တိုက်ပွဲတွေ ထဲ အကြမ်းဖက် စစ်တပ်ဘက်က ၃၉ ဦးသေသွားတဲ့အပြင် ၊ ဗိုလ်ကြီးအဆင့်ရှိသူ ၂ ဦးအပါအဝင် ၄၆ ဦး ဒဏ်ရာ ရသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
