ရေတာရှည်မြို့နယ်၊ ပိတောက်ကုန်းကျေးရွာအနီးတိုက်ပွဲတွင် စစ်ကောင်စီတပ် ခမရ ၁၉ မှ ဗိုလ်မှူး တစ်ဦးအပါအဝင် ၄၀ ကျော်သေဆုံး
ရန်ကုန်၊ နိုဝင်ဘာ ၁၉
ပဲခူးတိုင်းရေတာရှည်မြို့နယ်၊ ပိတောက်ကုန်းကျေးရွာအနီး တိုက်ပွဲတွင် စစ်ကောင်စီ တပ်ဖွဲ့ခမရ ၁၉ မှ ဗိုလ်မှူးတစ်ဦးအပါအဝင် ၄၀ ကျော်သေဆုံးခဲ့ကြောင်း NUG ကာကွယ်ရေးဝန်ကြီး ဌာန က တရားဝင်ထုတ်ပြန်သည်။
နိုဝင်ဘာလ ၁၆ ရက်နံနက် ၅ နာရီ ၄၅ မိနစ်မှ ညနေ ၄ နာရီခွဲအထိ အင်အား ၁၅၀ ခန့်ဖြင့် ရေတာရှည် မြို့နယ်၊ ပိတောက်ကုန်း ကျေးရွာ အ နောက် ဘက် အင်တိုင်းတောနှင့် ကျေးရွာစာသင်ကျောင်း၊ ဘုန်း ကြီး ကျောင်းဝန်းကျင်အနီး၌ ၄ ရက်ခန့် တပ်ဖျောက်ထားသော အကြမ်းဖက်စစ်ကောင်စီ၏ ခလရ ၈၄ ၊ ခမရ ၁၉ ပူးပေါင်းစစ်ကြောင်းကို ပြည်သူ့ကာကွယ်ရေး ပူးပေါင်းတပ်ဖွဲ့မှ တိုက်ခိုက်ခဲ့ရာ ခမရ ၁၉ မှ ဗိုလ်မှူးတစ်ဦးအပါအဝင် စစ်ကောင်စီတပ်သား ၄၀ ကျော်သေဆုံးပြီး အများအပြားဒဏ်ရာရရှိခဲ့ ကြောင်း၊ တိုက်ပွဲအတွင်း သေဆုံးဒဏ်ရာရရှိသော စစ်ကောင်စီတပ်သားများကို သုံးဘီးဖြင့် ၃ ခေါက် သယ်ယူ၍ စစ်တောင်းမြစ်ကို ဖြတ်ကူးရာတွင် လှေဖြင့် ၉ ခေါက်သယ်ထုတ်သွားကြောင်း သိရသည်။
ယင်းတိုက်ပွဲအတွင်း အကြမ်းဖက်စစ်ကောင်စီတပ်မှ လက်နက်ကြီးပစ်ကူ၊ လေကြောင်းပစ်ကူ အသုံးပြု ကာ တနေကုန်တိုက်ခိုက်ခဲ့ကြောင်း NUG ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် (PDF)၊ (စစ်ရုံးချုပ်) က ထုတ်ပြန်ထားသည်။
အဆိုပါ တိုက်ခိုက်မှုကို ပြည်သူ့ကာကွယ်ရေးတပ်မတော် (PDF) ပုဝါနီစစ်ကြောင်း၊ ကီကူးစစ်ကြောင်း၊ နပတ ရိုးမစစ်ကြောင်း၊ ၃၅၀၁ တပ်ရင်းမှ တပ်ခွဲ (၃ နှင့် ၄)၊ သံတောင်မြောက်ပိုင်း အထူးဒေသစစ် ကြောင်းတို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင် ၃ ဦး တိုင်းပြည်နှင့် အတွက်မြင့်မြတ်စွာ ကျဆုံးခဲ့ကာ ၈ ဦး(မစိုးရိမ်ရ) ဒဏ်ရာရရှိခဲ့ကြောင်း သိရသည်။
