ဟိုပုံးမြို့နယ်၊ ကျောက္ကဆျာကျေးရွာကို စစ်ကောင်စီက ပေါင် ၅၀၀ ဗုံးများဖြင့် ဗုံးကျဲတိုက်ခိုက်မှု နေအိမ်များ ပျက်စီး
ရန်ကုန်၊ မတ် ၁၇
ရှမ်းပြည်နယ်တောင်ပိုင်း၊ ဟိုပုံးမြို့နယ်၊ မဲနယ်တောင်ဒေသ၊ ကျောက္ကဆျားကျေးရွာကို စစ်ကောင်စီတပ်က တိုက် လေယာဉ်ဖြင့် ပေါင် ၅၀၀ ဗုံး ၂ ကြိမ် ကျဲချတိုက်ခိုက်ရာ နေအိမ်များ ထိခိုက်ပျက်စီးကြောင်း PNLA က သတင်းထုတ်ပြန်သည်။
ယမန်နေ့ မတ်လ ၁၆ ရက်နေ့ မွန်းလွဲ ၂ နာရီအချိန် ဟိုပုံးမြို့နယ်၊ မဲနယ်တောင်ဒေသ၊ ကျောက္ကဆျားရွာကို ပေါင် ၅၀၀ ဗုံးဖြင့် ၂ကြိမ်တိုင်တိုင် ဗုံးကျဲတိုက်ခိုက်ခဲ့ကြောင်း၊ထိုသို့ တိုက်ခိုက်မှုကြောင့် ကျေးရွာအတွင်းရှိ နေအိမ် ၄ အိမ်ထက်မနည်း ထိခိုက်ပျက်စီးခဲ့ကြောင်း၊ မတ်လ ၁၅ ရက်နေ့တွင်လည်း စစ်ကောင်စီက ဆီဆိုင်မြို့နယ် ထမ်းယံကျေးရွာကို ပေါင် ၅၀၀ ဗုံးများ မီးလောင်ဗုံးများဖြင့် တစ်ရက်တည်းအတွင်း ၆ ကြိမ်တိုက်ခိုက်ခဲ့သဖြင့် ဘုန်းတော်ကြီးကျောင်းနှင့် နေအိမ်၂ လုံး ပျက်စီးခဲ့ရကြောင်း သိရှိရသည်။
