ယင်းမာပင်မြို့နယ်တွင် စစ်ဘေးရှောင် စခန်း ၃ခုကို ဆန်၊ဆီများ သွားရောက်ထောက်ပံ့
ရန်ကုန်၊ မတ် ၃၀
ယင်းမာပင်မြို့နယ်တွင် အရေးပေါ် စစ်ရှောင် စခန်း ၃ နေရာမှ စစ်ရှောင်ပြည်သူများအတွက် ယင်းမာပင်ဒေသအခြေစိုက် ပြည်သူမှပြည်သူသို့ ပရဟိတအဖွဲ့က ပြည်သူတစ်သောင်းကျော်အတွက် ထမင်းတစ်နပ်စာကျွေးမွေးနိုင်ရန် ဆန်၊ဆီနှင့် ဟင်းချက်စရာများကို အလှူရှင်များကိုယ်စား သွားရောက် ထောက်ပံ့ပေးခဲ့ကြောင်းသိရသည်။
ယင်းမာပင်မြို့နယ်အရှေ့ခြမ်းရှိ ကျေးရွာများကို အကြမ်းဖက်စစ်တပ်က စစ်ကြောင်းထိုးလျက်ရှိသောကြောင့် ကျေးရွာ ၈ ရွာမှ ပြည်သူ ၁၀,၀၀၀ ကျော် အရေးပေါ်စစ်ရှောင်နေရသည်မှာ ၉ ရက်ခန့် ရှိပြီ ဖြစ်ကြောင်း ဒေသပြည်သူများထံမှ သိရသည်။
