ပုလဲမြို့နယ် ရက်ရှည်စစ်ဘေးရှောင်ပြည်သူများအတွက် သောက်သုံးရေအတွက် ရေတွင်းတူးကာ ရိက္ခာအတွက် ဆန်များ ပေးဝေ
ရန်ကုန်၊ ဧပြီ ၆
ပုလဲမြို့နယ်အတွင်း ရက်ရှည်စစ်ဘေးရှောင် ပြည်သူများ၏ စားနပ်ရိက္ခာအတွက် ဆန်များနှင့် သောက်သုံးရေအတွက် ရေတွင်းတူးရန် မေမေ့ရင်ခွင်အဖွဲ့က လှူဒါန်းထားသော လှူဒါန်းငွေကို ပုလဲမြို့နယ်ပြည်သူ့အုပ်ချုပ်ရေးအဖွဲ့ခေါင်းဆောင်နှင့် လူသားစာနာတာဝန်ခံတို့က သွားရောက်ကူညီ ထောက်ပံ့ပေးခဲ့ကြောင်း သိရှိရသည်။
ထိုပြင် ဧပြီလ ၅ ရက်နေ့ နေ့လယ်ပိုင်းတွင် အကြမ်းဖက်စစ်တပ်က တိုက်ခိုက်သော လေယာဉ်ဗုံးထိကာ နေအိမ်များ မီးလောင်ပျက်စီးသွားခဲ့ရသော ကျေးရွာမှ ပြည်သူများကိုလည်း မြို့နယ်လူသားစာနာ တာဝန်ခံနှင့် ပုလဲလူထုသပိတ်ဦးဆောင်ကော်မတီအဖွဲ့တို့ကငွေသားများ ကူညီထောက်ပံ့ပေးအပ်ခဲ့ကြောင်း သိရှိရသည်။
![](https://yktnews.com/wp-content/uploads/2024/04/434777737_782414383986170_8551309700709194725_n.jpg)
![](https://yktnews.com/wp-content/uploads/2024/04/432918344_782414460652829_9158936613030879981_n.jpg)
![](https://yktnews.com/wp-content/uploads/2024/04/432874422_782414313986177_5225062043212544914_n.jpg)