ရန်ကုန်-မဲဆောက်သို့ ၃ ရက်တာ လေယာဉ် ခရီးစဉ် ပျံသန်းခွင့်ပြုရန် စစ်ကောင်စီ၏မြန်မာသံရုံးက ထိုင်းအစိုးရကို အရေးပေါ် မေတ္တာရပ်ခံ
ရန်ကုန်၊ ဧပြီ ၇
ရန်ကုန်-မဲဆောက်သို့ ၃ ရက်တာ လေယာဉ် ခရီးစဉ် ပျံသန်းခွင့်ပြုရန် စစ်ကောင်စီ၏ မြန်မာသံရုံးက ထိုင်းအစိုးရကို အရေးပေါ် မေတ္တာရပ်ခံခဲ့ကြောင်း ထိုင်းသတင်းဌာန The Reporter က သတင်းဖော်ပြသည်။
အဆိုပါ မေတ္တာရပ်ခံစာတွင် မြန်မာအမျိုးသားလေကြောင်းလိုင်း MNA ၏ လေယာဉ်များက ဧပြီလ ၇ ရက်၊ ၈ ရက်နေ့နှင့် ၉ ရက်နေ့တို့တွင် ရန်ကုန်-မဲဆောက် လေယာဉ်ခရီးစဉ်များ ပျံသန်းမည်ဖြစ်ပြီး ပျံသန်းမည့် လေယာဉ်အမှတ်များကို ယင်းစာတွင် အတိအကျ ဖော်ပြထားသည်။
အဆိုပါပျံသန်းမှုမှာ မြ၀တီမြို့တွင် ပိတ်မိနေသည့် စစ်ကောင်စီတပ်ဖွဲ့ဝင်များ၊ ဌာနဆိုင်ရာ ဝန်ထမ်းများကို ထိုင်းနိုင်ငံ၊ မဲဆောက်မြို့မှ ရန်ကုန်မြို့သို့ ပြန်လည် ခေါ်ယူမည်ဖြစ်ကြောင်း သိရှိရသည်။
