ဩစတြေးလျနိုင်ငံ မဲလ်ဘုန်းမြို့တွင် ကျင်းပသည့် ကမ္ဘာ့ကျန်းမာရေးထိပ်သီးအစည်းအဝေးသို့ NUG ကျန်းမာရေးနှင့် ပညာရေးဌာနဝန်ကြီး ဒေါက်တာဇော်ဝေစိုး တက်ရောက်ဆွေးနွေးပြောကြား
ရန်ကုန်၊ ဧပြီ ၂၅
ဩစတြေးလျနိုင်ငံ မဲလ်ဘုန်းမြို့တွင်၂၀၂၄ ခုနှစ် ဧပြီလ ၂၄ ရက်နေ့တွင် ကျင်းပခဲ့သော ကမ္ဘာ့ကျန်းမာရေးထိပ်သီးအစည်းအဝေးသို့ အမျိုးသားညီညွတ်ရေးအစိုးရ ကျန်းမာရေးနှင့် ပညာရေးဌာနဝန်ကြီး ဒေါက်တာဇော်ဝေစိုး တက်ရောက်ဆွေးနွေးခဲ့ကြောင်း သိရှိရသည်။
Geopolitics and Health: Achieving equity in a divided world “ ပထဝီဝင်နိုင်ငံရေးနှင့် ကျန်းမာရေး- ကွဲပြားသော ကမ္ဘာတွင် သာတူညီမျှမှုရရှိရေး “ ခေါင်းစဉ်ဖြင့် ကမ္ဘာ့ကျန်းမာရေးထိပ်သီးအစည်းအဝေးကို ကျင်းပခဲ့ခြင်း ဖြစ်ပြီး နယူးဇီလန် ဝန်ကြီးချုပ်ဟောင်း၊ ကုလသမဂ္ဂ ဖွံ့ဖြိုးတိုးတက်ရေး အစီအစဉ်၏ အုပ်ချုပ်ရေးမှူးဟောင်း Helen Clark ၊ သြစတြေးလျ အမျိုးသားတက္ကသိုလ်၊ ကျန်းမာရေးနှင့် လူသားလုံခြုံရေး ပိုင်းဆိုင်ရာအကြီးအကဲ Esperanza Martinez တို့ပါဝင်ဆွေးနွေးခဲ့ကြောင်း သိရှိရသည်။
