ရန်ကုန်မြို့တွင် စစ်မှုထမ်းဥပဒေနှင့်ပတ်သက်၍ စစ်အာဏာရှင်ဆန့်ကျင်ရေး လှုပ်ရှားမှုပြုလုပ်
ရန်ကုန်၊ ဇွန် ၈
ရန်ကုန်မြို့နေရာအနှံ့တွင် စစ်မှုထမ်းဥပဒေနှင့်ပတ်သက်၍ စစ်အာဏာရှင်ဆန့်ကျင်ရေး လှုပ်ရှားမှုကို ယနေ့ ဇွန် ၈ ရက်နေ့တွင် ပြုလုပ်ခဲ့ကြသည်။
အဆိုပါ လှုပ်ရှားမှုတွင် “ငါတို့ဘာလုပ်ကြမလဲ” စာသားပါပိုစတာများနှင့် “မတရားစစ်မှုထမ်းဥပဒေကိုဆန့်ကျင်ကြ” စာသားပါဘန်နာများ၊ လက်ကမ်းစာစောင်များကို ရွှေပြည်သာမြို့နယ်သပိတ်ကော်မတီ(SPTSC)၊ မျိုးဆက်လူငယ်သပိတ်ကော်မတီ(NGYSC)နှင့် မင်္ဂလာတောင်ညွန့်မြို့နယ်လုံးဆိုင်ရာအထွေထွေသပိတ်ကော်မတီ (MTGSC) တို့ ပူးပေါင်း၍ စစ်အာဏာရှင်စနစ်ဆန့်ကျင်ရေး လှုပ်ရှားမှုအဖြစ် ပြုလုပ်ခဲ့ကြခြင်းဖြစ်သည်။
