26.6 C
Yangon

ချက်နိုင်ငံ၊ ပရာ့ဂ်မြို့တွင် သံရုံးများ ပွဲတော်တွင် စစ်ကောင်စီသံရုံး၏ ပြခန်း ဆန္ဒပြခံရသဖြင့် ပြခန်းပိတ် ထွက်ပြေး

Must read

ချက်နိုင်ငံ၊ ပရာ့ဂ်မြို့တွင် သံရုံးများ ပွဲတော်တွင် စစ်ကောင်စီသံရုံး၏ ပြခန်း ဆန္ဒပြခံရသဖြင့် ပြခန်းပိတ် ထွက်ပြေး

ရန်ကုန်၊ ဇွန် ၉

ချက်နိုင်ငံ၊ ပရာ့ဂ်မြို့တွင် ယမန်နေ့ သံရုံးများ ပွဲတော် ပြုလုပ်ခဲ့ပြီး ယင်းပွဲတော်တွင် စစ်ကောင်စီ၏ မြန်မာသံရုံးကလည်း ပြခန်းဖွင့်လှစ်ပြသခဲ့သော်လည်း ဆန္ဒပြခံရသဖြင့် ပြခန်းပိတ်ထွက်ပြေးရကြောင်း သိရှိရသည်။

ဇွန်လ ၈ ရက်နေ့ ချက်နိုင်ငံ၊ ပရာ့ဂ်မြို့တွင် ကျင်းပသော သံရုံးများပွဲတော်သို့ နိုင်ငံအစုံမှ သံရုံးများက ၎င်းတို့မိခင်နိုင်ငံ၏ ယဉ်ကျေးမှုများ၊ နိုင်ငံအကြောင်းကို ပြခန်းများဖွင့်လှစ် ပြသ မိတ်ဆက်ကြကြောင်း၊ စစ်ကောင်စီသံရုံးကလည်း မြန်မာနိုင်ငံအကြောင်း ပြခန်းဖွင့်လှစ်ခဲ့ကြောင်း၊ သို့ရာတွင် ချက်နိုင်ငံမှ မြန်မာ့အရေး တက်ကြွလှုပ်ရှားသူ Igor Blazevic နှင့် တက်ကြွလှုပ်ရှားသူများက မြန် မာသံရုံး၏ ပြခန်းရှေ့တွင် မြန်မာစစ်တပ်၏ စစ်ရာဇဝတ်မှု နှင့် ပြည်သူများကို အစုလိုက်အပြုံလိုက် သတ်ဖြတ်မှုများ အကြောင်း ရှင်းပြထားသည့် ပိုစတာများကိုင်ဆောင်၍ ဆန္ဒပြကြကြောင်း သိရှိရသည်။

စစ်ကောင်စီ လက်အောက်ခံ မြန်မာသံရုံးပြခန်းရှေ့ နေပူထဲတွင် တက်ကြွလှုပ်ရှားသူများက ၆ နာရီကြာ ဆန္ဒပြသဖြင့် မြန်မာသံရုံးက ရဲကို အကြောင်း ကြားပြီး ဆန္ဒပြသူများကို ဖယ်ရှားခိုင်းကြောင်း၊ သို့ရာတွင် ရဲတပ်ဖွဲ့က ဆန္ဒပြသူများကို ဆက်လက် ဆန္ဒပြခွင့်ပြုသဖြင့် နောက်ဆုံးတွင် စစ်ကောင်စီ၏ မြန်မာသံရုံး ပြခန်းမှာ ပိတ်သိမ်းပြီး ထွက်ပြေးသွားကြောင်း၊ စစ်ကောင်စီ လက်အောက်ခံ မြန်မာသံရုံး၏ ပြခန်းသို့လည်း လာရောက် ကြည့်ရှုသူ နည်းပါးခဲ့ကြောင်း သိရှိရသည်။

- Advertisement -spot_img

More articles

- Advertisement -spot_imgspot_imgspot_imgspot_img

Latest article