26 C
Yangon

မိုးကုတ်မြို့ အနောက်ပိုင်းရဲစခန်းကို တော်လှန်ရေးတပ်များ ၀ိုင်းဝန်းတိုက်ခိုက်နေပြီး ရဲစခန်းအနီးသို့ TNLA ရဲဘော်များ ဝင်ရောက်လာ၊ မိုးကုတ်မြို့ထဲအထိ တိုက်ပွဲများ ကျယ်ပြန့်လာ

Must read

ရန်ကုန်၊ ဇွန် ၂၆

မန္တလေးတိုင်း၊ မိုးကုတ်မြို့နယ်၊အ နောက်ပိုင်းရဲစခန်းကို TNLA ဦးဆောင်သော တော်လှန် ရေးတပ်များက ၀ိုင်းဝန်းတိုက်ခိုက်နေပြီး ရဲစခန်းအနီးသို့ တော်လှန် ရေးတပ် သားများ ဝင်ရောက်လာသည်ကို မြင်တွေ့ရကြောင်း မိုးကုတ်မြို့မှ ပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယနေ့ ဇွန်လ ၂၆ ရက်နေ့ နံနက် ၅ နာရီခွဲအချိန်မှစတင်ပြီး မိုးကုတ်မြို့ အနောက် ပိုင်း၊ ဒေါ်နန်းကြည်တောင်တွင် တိုက်ပွဲများ စတင်ဖြစ်ပွားခဲ့ကြောင်း၊ ယင်းနောက် မိုးကုတ် အနောက်ပိုင်းရဲစခန်း ကို တော်လှန်ရေးတပ်များက ဝင်ရောက်တိုက်ခိုက်ခြင်းဖြစ်ပြီး လက်နက်ကြီး၊ လက်နက်ငယ်ပစ်ခတ်မှုများ တိုက်ပွဲများ ပြင်းထန်ခဲ့ကြောင်း၊ ယင်းနောက် မိုးကုတ်အနောက်ပိုင်းရဲစခန်းဧရိယာအနီးဝန်းကျင်သို့ TNLA ရဲဘော်တချို့ ဝင်ရောက်လာသည်ကို မြင်ရကြောင်း ဒေသပြည်သူများက ဆိုကြသည်။

“မိုးကုတ်အနောက်ရဲစခန်းဘက်မှာ ပစ်ခတ်သံတွေနဲ့ ဆူညံနေတယ်။ အခု မွန်းလွဲ ၁ နာရီကျော်လောက်မှာ လေယာဉ်တွေလည်းဝဲနေတယ်။ အခြေအနေကတော့ ဆိုးလာပြီ။ အခုထိလည်း တိုက်ပွဲဖြစ်နေတုန်းပဲ။ မိုးကုတ်မြို့ထဲအထိကို တိုက်ပွဲတွေက ရောက်လာပြီ။ ပြည်သူတွေကတော့ ပိတ်မိနေပါတယ်။ ဘယ်ပြေးလို့ ပြေးရမှန်းမသိသေးဘူး” ဟု ဒေသပြည်သူတစ်ဦးက ပြောဆိုသည်။

မိုးကုတ်မြို့နယ်၊ အနောက်ပိုင်း ကျပ်ပြင်စျေးနားတဝိုက်၊ ဆေးရုံကုန်း ရွှေမြင်ဝင်ဘုန်းကြီးကျောင်းမြို့ဦးလွင်အနီးတို့တွင်လည်း ပစ်ခတ်သံများ ဆက်တိုက်ကြားနေရကြောင်း ၊ ကျောက်ဖားအောင်စင်္ကြာဆီဆိုင်အနီးတွင်လည်း တိုက်ပွဲများဖြစ်ပွားနေကြောင်း သိရှိရသည်။

မိုးကုတ်ဒေသပြည်သူတချို့ကမူ မိုးကုတ်အနောက်ပိုင်း ဒေါ်နန်းကြည်တောင်ရှိ စစ်ကောင်စီတပ်စခန်းကို TNLA တပ်များက သိမ်းပိုက်ရရှိသွားပြီဟု ကြားသိထားကြောင်း ပြောဆိုကြသည်။

ဓာတ်ပုံ – TNLA တပ်ဖွဲ့ဝင်များ။ (ပုံအဟောင်းဖြစ်ပါသည်။)

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar

TNLA တပ်ဖွဲ့ဝင်များ။ (ပုံအဟောင်းဖြစ်ပါသည်။)
- Advertisement -spot_img

More articles

- Advertisement -spot_imgspot_imgspot_imgspot_img

Latest article