ရန်ကုန်၊ ဇွန် ၂၈
နောင်ချို၊ မိုးကုတ်၊ မိုးမိတ်နှင့် ကျောက်မဲမြို့တို့တွင် စစ်တပ်၏ တိုက်ခိုက်မှုများကြောင့် အရပ် သား ၃ ဦးသေဆုံးခဲ့ကြောင်း TNLA က သတင်းထုတ်ပြန်သည်။
ဇွန်လ ၂၇ ရက်နေ့ ကျောက်မဲမြို့ ရပ်ကွက် ၂ ရှိ နေအိမ်တစ်အိမ်ပေါ်သို့ လက်နက်ကြီးကျရောက် ပေါက် ကွဲမှုကြောင့် အသက် ၆၀ နှစ်အရွယ် အမျိုးသားတစ်ဦးနှင့် အသက် ၅၀ အရွယ် အမျိုးသမီးတစ်ဦး ထိခိုက်ဒဏ်ရာရရှိခဲ့ကြောင်း၊ အလားတူ နောင်ချိုမြို့တွင် ယမန်နေ့ ညနေပိုင်း လက်နက်ကြီးကျရောက်ပေါက်ကွဲရာ ရပ်ကွက် ၄ ရှိ အသက် ၂၇ နှစ်အရွယ် ကျော်နန္ဒာဉီးဆိုသူ၏ ခြေထောက်တစ်ဖက်ထိမှန်ဆုံးရှုံးသွားခဲ့ကြောင်း သိရှိရသည်။
ထို့ပြင် နောက်ချိုမြို ရပ်ကွက် ၄ တွင် နေထိုင်သည့် အသက် ၂၃ နှစ်အရွယ် မချယ်ရီထိန်းနှင့် အသက် ၁၆ နှစ်အရွယ် မထက်ရီဝင်း အမျိုးသမီး ၂ ဦး သည် ဆိုင်ကယ်မောင်းနေစဥ် စစ်ကောင်စီတပ်၏ ရည်ရွယ်ချက်ရှိရှိ ပစ်ခတ်မှုကြောင့် သေဆုံးသွားခဲ့ရကြောင်း သိရှိရသည်။
ထို့အတူ မိုးကုတ်မြိုအနောက်ပိုင်း ကသဲရပ်တွင်လည်း မွန်းလွဲ ၁ နာရီ ၄၅ မိနစ်အချိန်တွင် လက် နက်ကြီးတစ်လုံး ကျရောက်ပေါက်ကွဲမှုကြောင့် အမျိုးသမီးတစ်ဉီးထိမှန်သေဆုံးသွားခဲ့ကြောင်း၊ ထို့ပြင် မိုးမိတ် ဖဒန်ရွာ၌လည်း မွန်းလွဲ ၂ နာရီအချိန် စစ်ကောင်စီက ဒရုန်းဖြင့် ဗုံး ၂ ကျဲချရာ အရပ်သားနေအိမ် ၂ လုံးထက်မနည်းထိ ခိုက်ပျက်စီးခဲ့ကြောင်း သိရှိရသည်။
ယမန်နေ့ ဇွန်လ ၂၆ ရက်နေ့ ကျောက်မဲတွင် စစ်ကောင်စီ၏ လေကြောင်းတိုက်ခိုက်မှုကြောင့် အရပ်သား ၄ ဦးသေဆုံးပြီး ၁၅ ဉီးဒဏ်ရာရရှိခဲ့ကြောင်း၊ ဇွန်လ ၂၅ ရက်နေ့တွင်လည်း စစ်ကောင်စီက လေကြောင်းတိုက်ခိုက်မှုကြောင့် ဒေသပြည်သူ ၂ ဦးသေဆုံးပြီး ၅ ဉီးထိခိုက်ဒဏ်ရာရခဲ့ကြောင်း၊ ကျောက်မဲမြို့နယ်၊ ငြိမ်းချမ်းရေးကုန်းရှိ အောင်မြေသာယာဘုန်းကြီးကျောင်းနှင့် ဘုန်းကြီးပညာရေးကျောင်းထိခိုက်ပျက်စီးခဲ့ရကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
![](https://yktnews.com/wp-content/uploads/2024/06/449278503_833152468912361_7581929239547615711_n.jpg)
![](https://yktnews.com/wp-content/uploads/2024/06/449278526_833152515579023_6917118263166193918_n.jpg)
![](https://yktnews.com/wp-content/uploads/2024/06/449454533_833152575579017_1865421445500730164_n.jpg)
![](https://yktnews.com/wp-content/uploads/2024/06/449456874_833152608912347_3958322796770906738_n.jpg)
![](https://yktnews.com/wp-content/uploads/2024/06/449267553_833152658912342_7373906359766003563_n.jpg)
![](https://yktnews.com/wp-content/uploads/2024/06/449459287_833152702245671_81860338833416447_n.jpg)
![](https://yktnews.com/wp-content/uploads/2024/06/449454089_833152805578994_4088592169523288718_n.jpg)