သီပေါမြို့ကို မြောက်ပိုင်းမဟာမိတ်တပ်များက ဝိုင်းထားပြီး စစ်တပ်က ပြည်သူများကို ထွက်ပြေးခွင့်မပေးဘဲ လူသားဒိုင်းအဖြစ် အသုံးပြု၊ MNDAA တပ်အများစု သီပေါမြို့အနီးသို့ ရောက်ရှိလာ
ရန်ကုန်၊ ဇွန်လ ၃၀
ရှမ်းပြည်နယ်မြောက်ပိုင်း၊ သီပေါမြို့ကို တော်လှန်ရေးတပ်ဖွဲ့များ ဝိုင်းထားပြီး စစ်ကောင်စီတပ်က မြို့နေပြည်သူများကို လူသားဒိုင်းကာအဖြစ်အသုံးပြုရန် ထွက်ခွင့်မပေးပဲ ပိတ်ဆို့ထားကြောင်း ဒေသ နေပြည်သူများက ရန်ကုန်ခေတ် သစ်သတင်းဌာနထံသို့ ပြောကြားသည်။
၁၀၂၇ စစ်ဆင်ရေး မစတင်မီကလည်းက မြို့အဝင်၊ အထွက်လမ်းများကို အကြမ်း ဖက်စစ်ကောင်စီ တပ်က ဘူဒိုဇာဖြင့် ဖျက်ဆီးကာ ရေလမ်းကြောင်းတစ်ခု သာဖွင့်ပေးထားခဲ့ကြောင်း၊ ၁၀၂၇ စစ်ဆင် ရေးစတင်ခဲ့သည့် ဇွန်လ ၂၅ ရက်နေ့မှစတင်၍ မြို့နေပြည်သူများမှာ ရေလမ်းကြောင်းမှ ထွက်ပြေး တိမ်း ရှောင် နေကြရပြီး ဇွန်လ ၂၉ ရက်နေ့မှစ၍ အဆိုပါရေလမ်းကို သီပေါမြို့ရဲစခန်း မှ ရဲများစောင့် ကာ ထွက်ခွင့်မပေးတော့ ပိတ်ဆို့ထား မြို့နေပြည်သူများကို လူသားဒိုင်းကာအဖြစ် အသုံးပြုနေ ကြောင်း သိရသည်။
“အရင်ရက်တွေကတော့ စက်လှေနဲ့ ပေးလို့ရတဲ့သူတွေက ပြေးလို့ရသေးတယ်၊ ဒီနေ့ကျတော့ စက်လှေဆိပ်တွေကို ရဲတွေလာစောင့်ပြီး ပိတ်ထားတာ။ သီပေါ်မြို့နဲ့ ပတ်ပတ်လည်ရွာတွေကိုတော့ စစ်တပ်က လက်နက်ကြီးနဲ့ ပစ်တယ်၊ သီ ပေါ မြို့ပတ်ပတ်လည် ၃ မိုင် ၄ မိုင်လောက်အထိ တိုက်ပွဲ တွေဖြစ်နေတာရှိတယ်၊ သီပေါမြို့ထဲမှာတော့ တိုက်ပွဲမဖြစ်သေးဘူး၊ တစ်မြို့လုံးနီးပါးလို ပိတ်မိနေ တယ်လို့ ပြောရမယ်။ လူဦးရေတော့ ခန်းမှန်းမပြောတတ်ဘူး။ အခုကဘယ်မှ ထွက်မရတာ တစ်မြို့ လုံး ပဲ” ဟု ဒေသနေပြည်သူတစ်ဦးက ရန်ကုန်ခေတ် သစ်သတင်းဌာနထံသို့ ပြောကြားသည်။
သီပေါမြို့တွင် အထွက်လမ်း ၃ လမ်းရှိပြီး လမ်းတစ်ခုကို တိုက်ပွဲမဖြစ်ခင် ၁၀ ခန့်က ဘတ်ဟိုးဖြင့် တူးကာ ပိတ်ပစ်လိုက်ကြောင်း၊ ကျင်းသီတံတားဘက် အထွက်လမ်းနှင့် အခြားလမ်းတစ်ခုကို စစ် ကောင်စီတပ်သားများက ပိတ်ဆို့ထားကာ သီပေါမြို့ပတ်ပတ်လည်တွင်လည်း တော်လှန်ရေးတပ်ဖွဲ့ များက ဝိုင်းပတ်ပိတ်ဆို့ထားထားကြောင်း သိရသည်။
“ကုန်းလမ်းတွေက အကုန်ပိတ်လိုက်တဲ့အခါကျတော့ ပြည်သူတွေထွက်စရာလမ်းက စက်လှေလမ်း တစ်လမ်းပဲရှိတော့တာ။ အဲဒီစက်လှေလမ်းကိုလည်း ဒီနေ့ပိတ်လိုက်တယ်။ သီပေါရဲစခန်းက ရဲတွေ လာစောင့်ပြီးပိတ်ထားတာ။ တပ်ထဲကနေ လက်နက်ကြီးတွေနဲ့ထုနေတာရှိတယ်၊ မြို့ပတ်ပတ်လည် မှာတော့ တော်လှန်ရေးတပ်ဖွဲ့တွေက ပိတ်ဆို့ထားတယ်” ဟု သီပေါမြို့နေပြည်သူတစ်ဦးက ရန်ကုန် ခေတ်သစ်သတင်းဌာနထံသို့ ပြောဆိုသည်။
လတ်တလော သီပေါမြို့သို့ TNLA တပ်များအပြင် MNDAA တပ်များ ဝင်ရောက် လာကြောင်း၊ TNLA တပ်တချို့က ပြန်လည် ဆုတ်ခွာသွားပြီး MNDAA တပ်များက အစားထိုး ဝင်ရောက်လာသည့် သဘောဖြစ်ကြောင်း၊ ဆွတ်လန်းကျေးရွာတွင်လည်း MNDAA တပ်များရောက်ရှိနေသည်ကို မြင်တွေ့ ရကြောင်း၊ လားရှိုးနှင့် သီပေါ လမ်းကြောတွင် MNDAA တပ်များကို မြင်တွေ့ရကြောင်း သီပေါမြို့မှ ပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။
ဓာတ်ပုံ- ကိုးကန့်ဒေသတွင် ကင်းလှည့်နေသည့် MNDAA တပ်များ။
