မိုးမောက်မြို့ပြင်ရှိ စစ်ကောင်စီ၏ နောက်ဆုံးလက်ကျန်စခန်းဖြစ်သော ခမရ ၄၃၇ ကို KIA ပူးပေါင်းတပ်က ထိုးစစ်ဆင်တိုက်ခိုက်နေဆဲဖြစ်ပြီး စခန်းသိမ်းနိုင်ရန် နီးစပ်နေ

ရန်ကုန်၊ ဇူလိုင် ၂၅

ကချင်ပြည်နယ်၊ မိုးမောက်မြို့ပြင်ရှိ စစ်ကောင်စီ၏ နောက်ဆုံး လက်ကျန်စခန်းဖြစ်သော ခမရ ၄၃၇ ကို KIA ပူးပေါင်းတပ်က ထိုးစစ်ဆင်တိုက်ခိုက်နေဆဲဖြစ်ပြီး စခန်းသိမ်းနိုင်ရန် ကြိုးပမ်းနေကြောင်း KIA သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ဇူလိုင်လ ၂၄ ရက်နေ့ နံနက် ၇ နာရီကျော်အချိန်မှစတင်ပြီး ကချင်ပြည်နယ်၊ မိုးမောက်မြို့နယ်ရှိ စစ်ကောင်စီ ၏ ခမရ ၄၃၇ တပ်ရင်းကို စတင်တိုက်ခိုက်လျက်ရှိကြောင်း၊ တိုက်ပွဲပြင်းထန်နေပြီး စခန်းကို မသိမ်းနိုင်သေးကြောင်း၊ စခန်းသိမ်းနိုင်ရန် ကြိုးပမ်းနေကြောင်း KIA သတင်းရင်းမြစ်က ပြောဆိုသည်။

“တိုက်ပွဲက အခုထက်ထိ တိုက်နေတုန်းပဲ။ တိုက်ပွဲ အရမ်းပြင်းထန်နေပါတယ်။ စခန်းသိမ်းနိုင်အောင် ကြိုးစားနေဆဲပါ။ မသိမ်းနိုင်သေးပါဘူး” ဟု KIA သတင်းရင်းမြစ်က ရှင်းပြသည်။

မိုးမောက်မြို့ရှိ မြို့မရဲစခန်းနှင့် တပ်ရင်းများကို မေလ ၇ ရက်နှင့် ၈ ရက်နေ့တို့တွင် KIA က တိုက်ခိုက်သိမ်းပိုက်ခဲ့ပြီး မြို့ပြင်တွင် ခမရ ၄၃၇ ကို သိမ်းပိုက်ရရှိပါ မိုးမောက်မြို့နယ်တစ်ခုလုံးတွင် စစ်ကောင်စီ ကင်းစင်သွားကာ KIA ဦးဆောင်သော တော်လှန်ရေးတပ်များက သိမ်းပိုက်ရရှိမည်ဖြစ်သည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar