မြစ်သားမြို့နယ် စမာတံတားအနီး ကင်းလှည့် စစ်ကြောင်းကို မိုင်းဆွဲတိုက်ခိုက်မှု စစ်ကောင်စီတပ်ဖွဲ့ဝင် ၂ ဦး သေဆုံး
ရန်ကုန်၊ ဩဂုတ် ၃
မန္တလေးတိုင်း ကျောက်ဆည်ခရိုင် မြစ်သားမြို့နယ် စမာတံတားအနီးတွင် ကင်းလှည့်နေသည့် စစ်တပ်စစ်ကြောင်းကို မိုင်းဆွဲတိုက်ခိုက်ခဲ့ရာ ပျူစောထီး ၂ ဦး သေဆုံးကြောင်း Tiger Brother မြစ်သားP.D.F မှ တာဝန်ခံက ရန်ကုန်ခေတ်သစ်သတင်းဌာနသို့ ပြောကြားသည်။
ဩဂုတ်လ ၂ ရက်နေ့ ည ၁၀ နာရီ ၄၅ မိနစ်အချိန်တွင် ကျောက်ဆည်ခရိုင် မြစ်သားမြို့နယ်စျေးကျောက်ဆောက်ကျေးရွာတွင် စစ်တပ်နှင့်ပျူစောထီးများ ညကင်းလှည့်ချိန်တွင် မိုင်းဆွဲတိုက်ခိုက်ခဲ့ခြင်း ဖြစ်ကြောင်း သိရှိရသည်။
” မြစ်သားမြို့နယ် စမာတံတားအနီး မိုင်းဆွဲတိုက်ခိုက်ခဲ့တာ ပျူခွေး ၂ ကောင် မိုင်းကွင်း အတွင်း မိုင်းဆွဲတိုက်ခိုက်ခဲ့ပါတယ်။ ရဲဘော်တွေ ဘေးကင်းပါတယ်”ဟု Tiger Brother မြစ်သားP.D.F မှ တာဝန်ခံက ရန်ကုန်ခေတ်သစ်သတင်းဌာနသို့ ပြောကြားသည်။
အဆိုပါ တိုက်ခိုက်မှုကို Tiger Brother မြစ်သား P.D.F၊ မြင်းခြံမြို့နယ် ပ.က ဖ မြင်းခြံ ၂၇ တို့ ပူးပေါင်း ဆောင်ရွက်ခဲ့ခြင်း ဖြစ်ကြောင်း သိရှိရသည်။
ဓာတ်ပုံ- ပြည်သူ့ကာကွယ်ရေးတပ်ဖွဲ့ဝင်များ။
