မြင်းမူမြို့နယ်တွင် အဖြူရောင်လှုပ်ရှားမှုနှင့်အတူ ၁၀၂၇ ဒုတိယလှိုင်း စစ်ဆင်ရေးကို ကြိုဆို ထောက်ခံပွဲပြုလုပ်
ရန်ကုန်၊ဩဂုတ် ၆
မြင်းမူမြို့နယ်ရှိ ကျေးရွာတစ်ရွာတွင် အဖြူရောင်အကျီများ ရွာလုံးကျွတ်ဝတ်ဆင်ပြီး “ပြည်သူ့တော်လှန်ရေး ဘယ်ပွဲစားမှ ကြေးဖြတ်ခွင့်မရှိ” ဆိုသည့် ဘန်နာစာသားကို ကိုင်စွဲကာ စစ်အာဏာရှင်ဆန့်ကျင်ရေး ကြွေးကြော်ခဲ့ကြကြောင်း သိရှိရသည်။
အဆိုပါ လှုပ်ရှားမှုကို မြင်းမူလူငယ်အင်အားစုနှင့် ကျေးရွာတာဝန်ခံများ ဦးဆောင်စီစဥ်ခဲ့ပြီး အရာတော်လူထုသပိတ်တိုက်ပွဲ ကော်မတီနှင့် မုံရွာလူထုသပိတ်တိုက်ပွဲ ဦးဆောင်ကော်မတီတို့က ဝန်းရံချီတက်ခဲ့ကြကာ တူမီး- တော်လှန်ရေး စာစဉ်၏ လူထုလက်စွဲ အထူးထုတ် စာစောင် အုပ်ရေ ၂၀၀ ခန့်ကိုလည်း ရွာလူထုထံ မျှဝေခဲ့ကြကြောင်း သိရှိရသည်။
