ဗျူဟာ၃၃ အခြေပြု၊ ဒေါနစစ်ကြောင်း၊ အခြေခံစစ်ပညာသင်တန်း အပတ်စဉ် ၂ နှင့်မွမ်းမံသင်တန်းဆင်းပွဲ အခမ်းအနားပြုလုပ်
ရန်ကုန်၊ ဩဂုတ် ၂၀
ပြည်သူ့ကာကွယ်ရေးတပ်မတော် ၊ စစ်ဒေသခွဲအမှတ်၃ ၊ ဒေါနစစ်ကြောင်းက ဦးစီးသည့် အခြေခံစစ်ပညာသင်တန်း ၂ နှင့် မွမ်းမံသင်တန်းဆင်းပွဲကို ဩဂုတ်လ ၁၆ ရက်နေ့တွင် ကျင်းပခဲ့ကြကြောင်း သိရှိရသည်။
အဆိုပါ သင်တန်းတွင် ဒေါနစစ်ကြောင်းမှသင်တန်းသားများနှင့် ပူးပေါင်းမဟာမိတ်တပ်ရင်း၊ တပ်ဖွဲ့များမှ သင်တန်းသားများပါဝင်တက်ရောက်သင်ကြားခဲ့ကြကြောင်း၊ သင်တန်းဆင်းပွဲတွင် သင်တန်းသားများက စစ်ကြောင်းပုံစံဖြင့် ချီတက်အလေးပြုခြင်း၊ သစ္စာရေသောက်ခြင်း၊ ဝန်ကြီးဌာနက ပေးပို့သည့် သဝဏ်လွှာဖတ်ကြားခြင်း၊ ဂုဏ်ပြုမိန့်ခွန်းပြောကြားခြင်းနှင့် ထူးချွန်ဆုရသင်တန်းသားများကိုဆုပေးခြင်းများပြုလုပ်ခဲ့ပြီး သင်တန်း သားများက လေ့ကျင့်ရေးနှင့် စစ်ဆင်ရေးသရုပ်ပြမှုများလုပ်ဆောင်ခဲ့ကြကြောင်း သိရှိရသည်။
