ရန်ကုန်ရှိ မြို့နယ် ၄ ခုတွင် ကလောင်နီ လှုပ်ရှားမှု ပြုလုပ်
ရန်ကုန်၊ စက်တင်ဘာ ၄
ရန်ကုန်မြို့ရှိ မြို့နယ် ၄ ခုတွင် စစ်အာဏာရှင် ဆန့်ကျင်ရေး ရန်ကုန်အင်အားစု- AJAY နှင့် လူငယ်သပိတ်ကော်မတီတို့ ပူးပေါင်း၍ စက်တင်ဘာလ ၃ ရက်နှင့် ၄ ရက်နေ့တို့တွင် ကလောင်နီ လှုပ်ရှားမှု ပြုလုပ်ခဲ့ကြောင်း သိရသည်။
အကြမ်းဖက် စစ်ကောင်စီက လုံခြုံရေးတင်းကျပ်၍ ဧည့်စာရင်းစစ်ဆေးမှုများ၊ လူငယ်များကို ပေါ်တာဆွဲမှုများ အင်တိုက်အားတိုက်ပြုလုပ်နေသည့်ကြားမှ ကလောင်နီ လှုပ်ရှားမှု ပြုလုပ်နိုင်ခဲ့ခြင်းဖြစ်ကြောင်း AJAY မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာကို ပြောဆိုသည်။
