ရန်ကုန်၊ စက်တင်ဘာ ၁၀
မကွေးတိုင်း၊ နတ်မောက်မြို့နယ်၊ သမှုန်းကုန်းကြီးရွာ အနီးတွင် ပြည်သူများကို ပေါ်တာဆွဲ ဖမ်းဆီးနေသော အကြမ်းဖက် စစ်ကောင်စီ တပ်သားများကို ဝင်ရောက် တိုက်ခိုက်ခဲ့ကြောင်း OPRF – PLA အဖိနှိပ်ခံပြည်သူ့တော်လှန်ရေးအင်အားစုမှ တာဝန်ရှိသူ တစ်ဦးက ရန်ကုန်ခေတ်သစ်မီဒီယာသို့ ပြောဆိုသည်။
စက်တင်ဘာလ ၉ ရက်နေ့ ညနေ ၆ နာရီ ၂၅ မိနစ်ခန့်တွင် နတ်မောက်မြို့နယ်ရှိ ကုလားရှင်ရွာနှင့် သမှုန်းကုန်းကြီးရွာ အကြားတွင် အကြမ်းဖက် စစ်ကောင်စီ တပ်သားများကို OPRF – PLA အဖိနှိပ်ခံ ပြည်သူ့တော်လှန်ရေးအင်အားစုနှင့် မိတ်ဖက် တပ်ဖွဲ့များက ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။
အကြမ်းဖက် စစ်ကောင်စီ တပ်သားများသည် သမှုန်းကုန်းကြီးရွာ အနီးတွင် ခရီးသွားယာဥ်များကို တားဆီးစစ်ဆေးခြင်း၊ ပြည်သူလူထုကို ပေါ်တာဆွဲဖမ်းဆီးရန် ကြိုးပမ်းခြင်းများ ပြုလုပ်ပြီး နတ်မောက်မြို့သို့ အပြန် ကုလားရှင်ရွာနှင့် သမှုန်းကုန်းကြီးရွာ အကြားတွင် တိုက်ခိုက်ခဲ့ခြင်းဖြစ်ကြောင်း OPRF – PLA အဖိနှိပ်ခံပြည်သူ့တော်လှန်ရေးအင်အားစုမှ တာဝန်ရှိသူ တစ်ဦးကရှင်းပြသည်။
ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်သေဆုံးမှု အရေအတွက်ကို အတည်မပြုနိုင်သေးဘဲ တော်လှန်ရေး တပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို OPRF – PLA အဖိနှိပ်ခံ ပြည်သူ့တော်လှန်ရေးအင်အားစု နှင့်အတူ ငါးပြေမတပ်ဖွဲ့၊ ကြိုးကြာနီတပ်ဖွဲ့၊ ကျားသစ်နက်တပ်ဖွဲ့၊ နတ်မောက် ပ.က.ဖ၊ မြို့သစ် ပ.က.ဖ တပ်ဖွဲ့များမှ ပူးပေါင်း လုပ်ဆောင်ခဲ့ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
