ကယ်လီဖိုးနီးယားပြည်နယ် ဆန်ဖရန်စစ္စကိုမြို့တွင် သံအမတ်ကြီး ဦးကျော်မိုးထွန်း ကုလသမဂ္ဂအထွေထွေညီလာခံတွင် ဆက်လက်တာဝန်ထမ်းဆောင်နိုင်ရန် ဝန်းရံထောက်ခံတောင်းဆိုပွဲ ပြုလုပ်
ရန်ကုန်၊ စက်တင်ဘာ ၁၅
အမေရိကန်ပြည်ထောင်စု ကယ်လီဖိုးနီးယားပြည်နယ် ဆန်ဖရန်စစ္စကိုမြို့ရှိ United Nations Plaza တွင် ကမ္ဘာ့ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်း ၇၉ ကြိမ်မြောက် ကုလသမဂ္ဂအထွေထွေညီလာခံတွင် ဆက်လက်တာဝန်ထမ်းဆောင်နိုင်ခွင့် ရရှိရန် ဝန်းရံထောက်ခံတောင်းဆိုပွဲ ပြုလုပ်ခဲ့ကြကြောင်း သိရှိရသည်။
အဆိုပါ ပွဲတွင် မြန်မာပြည်ဖွား အမေရိကန်နိုင်ငံသားများ၊ နွေဦးတော်လှန်ရေးအင်အားစုများ၊ ကျောင်းသူကျောင်းသားများနှင့် Free Burma Action Committee-Northern California ၏ ၁၃၉ ကြိမ်မြောက်မြေပြင်လူထုသပိတ်တို့က အတူပေါင်းစည်းကာ ကမ္ဘာလုံးဆိုင်ရာ လူထုလှုပ်ရှားမှုကြီးအဖြစ် စက်တင်ဘာ ၁၄ ရက်နေ့တွင် စုပေါင်းဆန္ဒထုတ်ဖော်ခဲ့ကြကြောင်း သိရှိရသည်။
