ရန်ကုန်၊ စက်တင်ဘာ ၂၇
ရှမ်းပြည်နယ်မြောက်ပိုင်း၊ လားရှိုးမြို့ရှိ ပြည်သူများနေထိုင်သော နေရာများကို စစ်တပ်က ပေါင် ၅၀၀ နှင့် ပေါင် ၂၀၀ ဗုံး ၁၅ လုံး ကျဲချခဲ့ရာ လားရှိုး မြို့မစျေးနှင့် အဆောက်အအုံ ပျက်စီးမှု အလွန်များပြားကာ လူ ၂ ဦး သေဆုံးခဲ့ကြောင်း MNDAA ဘက်က တရားဝင်သတင်းထုတ်ပြန်သည်။
စက်တင်ဘာ ၂၇ ရက်နေ့ နံနက် ၃ နာရီ ၃၅ မိနစ်မှ နံနက် ၃ နာရီ ၅၀ မိနစ်အထိ အကြမ်းဖက်စစ်တပ်က လားရှိုးမြို့ကို ဗုံးကျဲချခဲ့ရာ လားရှိုး ရပ်ကွက် ၂ မြို့မစျေးကြီး ၊ အနီးတဝိုက်ရှိ လူနေရပ်ကွက်များနှင့် ရပ်ကွက် ၁ ရှိလူနေရပ်ကွက်တို့ တွင် ဗုံးများပေါက်ကွဲခဲ့ကြောင်း၊ ဗုံးကျဲမှု ၃ ကြိမ်အတွင်း အရပ်သား ၂ ဦး သေဆုံးကာ အရပ်သား ၆ ဦး ဒဏ်ရာရရှိကြောင်း၊ ဒဏ်ရာရရှိသူများအနက်မှ ၄ ဦး ဒဏ်ရာအပြင်းအထန် ရရှိကာ လက်ရှိတွင် ဆေးရုံ၌ ဆေးကုသမှု ခံယူနေရကြောင်း သိရသည်။
စစ်ကောင်စီက ဗုံးကျဲချသော နေရာများသည် လားရှိုးမြို့ မြို့မဈေးကြီး၊ ရပ်ကွက် ၁ နယ်မြေ၊ ရပ်ကွက် ၂ Green Park ဟိုတယ်အနီးဖြစ်ကြောင်း၊ တိုက်လေယာဉ်များဖြင့် ပေါင် ၅၀၀ ၊ ပေါင် ၂၀၀ အပါအဝင် အနည်းဆုံး ဗုံး ၁၅ လုံး ကျဲချတိုက်ခိုက်ခဲ့ကြောင်း၊ နေအိမ်၊ အဆောက်အဦးများစွာ ပျက်စီးခဲ့ရပြီး ပေါင် ၅၀၀ ဗုံး ၃ လုံး ထိမှန်ခဲ့သော မြို့မဈေးကြီးအတွင်းတွင် ဆိုင်ခန်းများစွာ ပျက်စီးဆုံးရှုံးခဲ့ရကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
