ဘုတလင်မြို့နယ်တွင် ပြည်သူပိုင် နေအိမ်များကို မီးရှို့ပြီး ပြည်သူများကို ဖမ်းဆီး သတ်ဖြတ်ခဲ့ကြောင်း တော်လှန် ရေး တပ်ဖွဲ့များ အရှင် ဖမ်းမိခဲ့သည့် ဗိုလ်ကြီး အောင်ကျော်ဇင် ဝန်ခံ ပြောဆို

ဘုတလင်မြို့နယ်တွင် ပြည်သူပိုင် နေအိမ်များကို မီးရှို့ပြီး ပြည်သူများကို ဖမ်းဆီး သတ်ဖြတ်ခဲ့ကြောင်း တော်လှန် ရေး တပ်ဖွဲ့များ အရှင် ဖမ်းမိခဲ့သည့် ဗိုလ်ကြီး အောင်ကျော်ဇင် ဝန်ခံ ပြောဆို

ရန်ကုန်၊ အောက်တိုဘာ ၆

စစ်ကိုင်းတိုင်း၊ ဘုတလင်မြို့နယ်တွင် ပြည်သူပိုင် နေအိမ်များကို မီးရှို့ပြီး ပြည်သူများကို ဖမ်းဆီး သတ်ဖြတ်ခဲ့ကြောင်း တော်လှန်ရေး တပ်ဖွဲ့များ အရှင် ဖမ်းမိခဲ့သည့် ဗိုလ်ကြီး အောင်ကျော်ဇင် ဝန်ခံ ပြောဆိုခဲ့သော ရုပ်သံဖိုင်ကို ယနေ့ အောက်တိုဘာလ ၆ ရက်နေ့တွင် မုံရွာခရိုင်အမှတ် ၂၀ တပ်ရင်း – Battalion of Budalin-BOB က ထုတ်ပြန်လိုက်သည်။

စက်တင်ဘာလ ၃၀ ရက်နေ့က ဘုတလင်မြို့နယ်၊ ကူတော်ရဲစခန်းမှ ဘုတလင်မြို့သို့ ပြန်လာသည့် ခမရ ၁၀၆ မှ ဗိုလ်မှူးကျော်တင့် ဦးဆောင်သော ခမရ (၁၀၆၊ ၃၀၉၊ ၁၆) ၊ ခလရ ၂၂၉၊ နမခ တိုင်း လက် အောက်ခံ ပူးပေါင်းအင်အား ၈၅ ဦးပါ စစ်ကြောင်းကို ပြည်သူ့ကာကွယ်ရေးတပ်မတော် (PDF) နှင့် ပူးပေါင်းတပ်ဖွဲ့များက တိုက်ခိုက် ချေမှုန်းခဲ့ရာ အကြမ်းဖက်စစ်သား ၃၃ ဦးသေဆုံးပြီး ဗိုလ်ကြီး ၂ ဦးပါ စစ်သုံ့ပန်း ၄၃ ဦးလက်နက်မျိုးစုံ (၅၆) လက်နှင့် ခဲယမ်းများ သိမ်းဆည်းရရှိခဲ့ကြောင်း သိရ သည်။

ထို ဖမ်းဆီးခံရသူများထဲတွင် ဗိုလ်ကြီး အောင်ကျော်ဇင် လည်းပါဝင်ပြီး ၎င်းစစ်ကြောင်းသည် ကူတော်ရဲစခန်းကို တော်လှန်ရေးတပ်ဖွဲ့များက ဝင်ရောက်ခဲ့သဖြင့် စစ်ကူလာရောက်ခဲ့ခြင်းဖြစ်ကြောင်း၊ ထိုသို့ စစ်ကူလာရောက်စဉ် ကျွန်သေချောင်းကျေးရွာမှ ပြည်သူ ၁ ဦး၊ ကတိုးကျေးရွာမှ အသက် ၇၀ ကျော် အမျိုးသား ၁ ဦးနှင့် ပကဖ အဖွဲ့ဝင် နှစ်ဦး တို့ကို ပစ်ခတ် သတ်ဖြတ်ခဲ့ပြီး ကတိုးရွာမှ နေအိမ် ၂၀ ဝန်းကျင်ကို မီးရှို့ဖျက်ဆီးခဲ့ခြင်းဖြစ်ကြောင်း သိရသည်။

“ကျွန်တော်ကတော့ ကူတော်ရွာမှာ ရွာတွင်းရှင်းလင်းတဲ့အချိန်မှာလည်း အပြစ်မဲ့အရပ်သားပြည်သူတွေကိုသတ်ဖြတ်ခဲ့ပါတယ် ။ ပြီးတော့အပြစ်မဲ့ ပြည်သူ့အိမ်တွေကိုလည်းမီးရှို့ဖျက်ဆီးခဲ့ပါတယ် ။ အရာတော်ကို လမ်းကြောင်းသွားတဲ့အချိန်မှာလည်း အပြစ်မဲ့ပြည်သူအိမ်တွေကို မီးရှို့ဖျက်ဆီးခဲ့ပါ တယ် ။ဒီအတွက် ကျွန်တောမှာအပစ်ရှိကြောင်းဝန်ခံပါတယ် ။ ဒီအတွက် အများပြည်သူများအနေဖြင့် ကျနော်အပေါ်နားလည်ခွင့်လွှတ်ပေးဖို့ မေတ္တာရပ်ခံတောင်းပန်အပ်ပါတယ်” ဟု ဗိုလ်ကြီးအောင် ကျော်ဇင်က ပြောကြားထားသည်။

ယင်းတိုက်ပွဲအတွင်း ဖမ်းဆီး ရမိတဲ့ စစ်သုံ့ပန်းများကို စစ်စည်းကမ်း ဥပဒေ နှင့်အညီ လူသားဆန်စွာ ထိန်းသိမ်းစောင့်ရှောက်ထားပြီး စစ်သုံ့ပန်းများ အနေဖြင့်လည်း အမှားကိုသိ၍ ပြည်သူများကို ကနဦး တောင်းပန်စကားပြောကြားခဲ့ကြောင်း မုံရွာခရိုင်အမှတ် ၂၀ တပ်ရင်း – Battalion of Budalin-BOB ၏ ထုတ်ပြန်ချက်တွင် ဖော်ပြထားသည်။

“ယခင်က အများပြည်သူအပေါ် ကျွန်တော့အနေနဲ့မှားယွင်းစွာလုပ်ဆောင်ခဲ့မိတဲ့ ၊ပြောဆိုဆက်ဆံမိခဲ့ တာ တွေကို နောက်နောင်မှာမလုပ်တော့ပါဘူးလို့ ဝန်ခံကတိပြုအပ်ပါတယ် “ဟု ဗိုလ်ကြီးအောင်ကျော်ဇင်က ဆက်ပြောကြားသည်။