ဗန်းမော်မြို့နယ်တွင် KIA နှင့် စစ်ကောင်စီတပ်များ တိုက်ပွဲအပြင်းအထန် ဖြစ်နေပြီး စစ်တပ်၏ ပစ်ခတ်မှုကြောင့် လူနေအိမ်များ မီးလောင်
ရန်ကုန်၊ အောက်တိုဘာ ၁၃
ကချင်ပြည်နယ်၊ ဗန်းမော်မြို့နယ်တွင် KIA နှင့် စစ်ကောင်စီတပ်များ တိုက်ပွဲအပြင်းအထန် ဖြစ်နေပြီး စစ်တပ်၏ ပစ်ခတ်မှုကြောင့် လူနေအိမ်များ မီးလောင်နေကြောင်း Bhamo People Defense Force – BPDFမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ယမန်နေ့ အောက်တိုဘာလ ၁၂ ရက်နေ့ နှင့် ယနေ့ အောက်တိုဘာလ ၁၃ ရက်နေ့ ဗန်းမော်မြို့နယ်၊ ၆ မိုင်နှင့် ၇ မိုင်အကြားတွင် တိုက်ပွဲများဖြစ်ပွားနေကြောင်း၊ စစ်တပ်က လက်နက်ကြီးများ၊ လေကြောင်းပစ်ကူများဖြင့် ပစ်ခတ်နေသဖြင့် လူနေရပ်ကွက်များတွင် လက်နက်ကြီးကျည်များကျရောက်၍ မီးလောင်မှုများဖြစ်ပွားခဲ့ကြောင်း သိရှိရသည်။
“အခုက ဗန်းမော် ၆မိုင်နဲ့၇ မိုင်ကြားမှာ နေ့စဉ်တိုက်ပွဲ ပြင်းထန်နေတယ်။ ကောင်ဂျာယန်နဲ့အနီးအနားမှာလည်း စစ်ရေးတွေ တင်းမာနေတယ်” ဟု Bhamo People Defense Force – BPDFမှ တာဝန်ရှိသူ ရှင်းလင်းပြောဆိုသည်။
KIA ဦးဆောင်သော တော်လှန်ရေးတပ်များက ဗန်းမော်မြို့ ပတ်ဝန်းကျင်တွင် ရောက်ရှိနေပြီး စစ်ကောင်စီတပ်များကလည်း ခုခံစစ်ပြင်နေကြကြောင်း၊ လတ်တလော ဗန်းမော်မြို့နယ်အနီးတွင်ပင် တိုက်ပွဲများ ပြင်းထန်လာခြင်းဖြစ်ကြောင်း သိရှိရသည်။
ဓာတ်ပုံ- ယမန်နေ့ ဗန်းမော်မြို့နယ်တွင် စစ်တပ်၏ ပစ်ခတ်မှုကြောင့် လူနေအိမ်များ မီးလောင်နေစဉ်။
![Pinterest](https://pinterest.com/pin/create/button/?url=https://yktnews.com/2024/10/187721/&media=https://yktnews.com/wp-content/uploads/2024/10/462888299_903625045198436_8597655894566106468_n.jpg&description="အခုက ဗန်းမော် ၆မိုင်နဲ့၇ မိုင်ကြားမှာ နေ့စဉ်တိုက်ပွဲ ပြင်းထန်နေတယ်။ ကောင်ဂျာယန်နဲ့အနီးအနားမှာလည်း စစ်ရေးတွေ တင်းမာနေတယ်" ဟု){kind=link}