ငါန်းဇွန်၊ ငါမြာကြီးရွာမှ စစ်ကောင်စီ တပ်သားများ ရွာပြင်ကို ထွက်လာစဉ် စနိုက်ပါဖြင့် ပစ်ခတ် တိုက်ခိုက်မှု စစ်သား ၂ ဦးသေဆုံး
ရန်ကုန်၊ အောက်တိုဘာ ၂၈
မန္တလေးတိုင်း၊ ငါန်းဇွန်းမြို့နယ်၊ ငါန်းမြှာကြီးရွာမှ အကြမ်းဖက် စစ်ကောင်စီ တပ်သားများ ရွာပြင်ကို ထွက်လာစဉ် စနိုက်ပါဖြင့် ပစ်ခတ် တိုက်ခိုက်ခဲ့ရာ စစ်သား ၂ ဦးသေဆုံးခဲ့ကြောင်း Zero ပြောက်ကြား တပ်ဖွဲ့ မှ တာဝန်ရှိသူ ကိုသက်ကြီး က ရန်ကုန်ခတ်သစ်သတင်းဌာနထံသို့ ပြောကြားသည်။
အောက်တိုဘာလ ၂၇ ရက်နေ့ နံနက် ၈ နာရီ ၃၀ မိနစ်ခန့်တွင် ငါန်းဇွန်မြို့နယ်၊ ငါန်းမြှာကြီး ကျေးရွာ အပြင်ဘက်ကို အင်အား ၃၀ ခန့်ဖြင့် ပတ်ကင်းလှည့်သည့် အကြမ်းဖက် စစ်တပ် စစ်ကြောင်းကို စနိုက်ပါ ဖြင့် မီတာ ၂၀၀ ခန့်အကွာအဝေးမှ ပစ်ခတ်တိုက်ခိုက်ခဲ့ရာ စစ်သား ၂ ဦးသေဆုံးပြီး အလောင်းများကို ဆွဲယူ၍ ရမ်းသမ်းပစ်ခတ်ကာ ငါန်းမြာကြီးကျေးရွာအတွင်း ပြန်လည် ဆုတ်ပြေးသွား ကြောင်း သိရသည်။
“ကျနော်တို့ ရန်သူစခန်းအနီး မီတာ၂၀၀ခန့်အကွာအဝေးလောက်ထိ ချဉ်ကပ်ပြီး ကင်ပုန်းဝပ် စောင့် ပြီး စနိုက်ဘာနဲ့ ပစ်ခတ်ခဲ့တာ။ ရန်သူက ရွာရဲ့အရှေ့ဘက်ကို အင်အား ၃၀ နဲ့ စထွက်လာတယ်။ စစ် ကြောင်းထိုးဖို့ရာတော့ မဟုတ်လာက်ဘူး။ သူတို့အထိုင်ချထားတဲ့ ရွာကို ပတ်ကင်းလှည့်တဲ့ သဘော ဖြစ်မယ်။ ရန်သူကို အခုလို တိုက်ခိုက်နိုင်ဖို့ ကျနော်တို့ရဲဘော်တွေ ထမင်းအငတ်ခံပြီး ဒီ အခွင့်အရေး ကို စောင့်နေခဲ့ရတာ။ အခုတော့ ထမင်းငတ်ခံပြီး စောင့်ရကြိုးနပ်ခဲ့တယ်။ စခ ၂ ဦး အသေ ပစ်ခတ် နိုင်ခဲ့တယ်။ အလောင်းတွေကို ငါန်းမြာကြီးရွာထဲ အပြေးဆွဲသွင်းသွား တယ်။ ကျန်တဲ့ စခတွေ က တော့ ကျနော်တို့ ရဲဘော်တွေရှိနိုင်တယ် ထင်တဲ့ နေရာတွေကို ရမ်းသန်းပစ်တာတွေရှိတယ်။ ကျနော် တို့ ဘက်က ပြောက်ကြားစနစ်နဲ့ ရဲဘော်အနည်းငယ် သုံးပြီးတိုက်တာဆိုတော့ အထိခိုက်မရှိ ပြန် ဆုတ် လာနိုင်ခဲ့တယ်” ဟု Zero ပြောက်ကျားတပ်ဖွဲ့မှ ကိုသက်ကြီးက ရန်ကုန်ခေတ်သစ်သတင်း ဌာန ထံသို့ ပြောကြားသည်။
အဆိုပါ တိုက်ခိုက်မှုကို မြင်ခြံခရိုင် တပ်ရင်း ၇ နှင့် မြင်းခြံခရိုင် တပ်ရင်း ၆ တို့က ပူပေါင်း တိုက်ခိုက်ခဲ့ခြင်း ဖြစ်ကြောင်း သိရသည်။
