မန္တလေးတိုင်းဝန်ကြီးချုပ်နှင့် NLD ပါတီ ဒုတိယဥက္ကဋ္ဌ ဒေါက်တာဇော်မြင့်မောင် ကွယ်လွန်ခြင်း ၁ လပြည့်အဖြစ် ကျန်ရစ်သူ မိသားစုနှင့် လုပ်ဖော် ကိုင်ဖက်များက ဆွမ်းကပ် အမျှဝေ
အမေရိကန်ပြည်ထောင်စု မေရီလန်းပြည်နယ်ရှိ မင်္ဂလာရာမ မြန်မာဘုန်းတော်ကြီးကျောင်းတွင် မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ကွယ်လွန်ခြင်း ၁ လပြည့်အဖြစ် မိသားစုနှင့် လုပ်ဖော်ကိုင်ဖက်များက ဆွမ်းကပ်အမျှဝေကြသည်။
အဆိုပါ အခမ်းအနားသို့ ကွယ်လွန်သူ ဒေါက်တာ ဇော်မြင့်မောင်၏ ဇနီး၊ သားသမီးများ က တက်ရောက်ကြပြီး အမေရိကန်ရောက် NUG ဝန်ကြီးများ၊ CRPH ဥက္ကဋ္ဌ ၊ NLD ပါတီမှ ဗဟိုအလုပ်အမှုဆောင်များ၊ NLD ပါတီဝင်များ၊ အမေရိကန်ရောက် မြန်မာများ စုံညီစွာ တက်ရောက်ခဲ့ကြကြောင်း သိရှိရသည်။
