Khit Thit သတင်းဌာန၏ ဒီဇင်ဘာ ၂၁ ရက် မနက်ပိုင်း ရုပ်သံသတင်းအစီအစဉ်
ဒီကနေ့ ဒီဇင်ဘာ ၂၁ ရက် မနက်ပိုင်း တင်ဆက်ပေးမယ့် သတင်းတွေကတော့
-ရှမ်းပြည်နယ်မြောက်ပိုင်း၊ လားရှိုးမြို့က အရှေ့မြောက်တိုင်းစစ်ဌာနချုပ်ကို MNDAA ဦးဆောင်တဲ့ မြောက်ပိုင်းမဟာမိတ်ညီနောင် ၃ ဖွဲ့က တိုက်ခိုက်သိမ်းပိုက်ပြီးနောက် ရခိုင်ပြည်နယ်၊ အမ်းမြို့က အနောက်ပိုင်းတိုင်းစစ်ဌာနချုပ်ကို AA က ထပ်မံသိမ်းပိုက်လိုက်ပြီဖြစ်တယ်လို့ AA က တရားဝင် သတင်းထုတ်ပြန်လိုက်ပါတယ်။
ဧရာဝတီတိုင်းအတွင်းကို AA ဝင်ရောက်တိုက်ခိုက်မှာကို အကြမ်းဖက်စစ်တပ်က စိုးရိမ်နေပြီး အင်္ဂပူမြို့နယ်မှာ ရပ်ကွက်လုံခြုံရေးအဖွဲ့တွေ ဖွဲ့စည်းဖို့ အရေးပေါ် အစည်းအဝေးတွေ ခြိမ်းခြောက် ခေါ်ယူနေတယ်လို့ ပုသိမ်မြို့နယ် သတင်းအထူးတပ်ဖွဲ့မှ တာဝန်ရှိသူတစ်ဦးက ပြောပါတယ်။
မကွေးတိုင်း၊ စလင်းမြို့နယ်မှာ တစ်ပတ်ကျော်ကြာ စစ်ကြောင်းထိုးနေတဲ့ အကြမ်းဖက်စစ်တပ်ကို လိုက်လံ တိုက်ခိုက်ရာ စစ်တပ်ဘက်က ၅၀ ဦးထက်မနည်း သေဆုံးပြီး အထိနာနေတဲ့ စစ်တပ်က စန်းကလေးမြောက်ရွာကို ရွာလုံးကျွတ် မီးရှို့ဖျက်ဆီးတာကြောင့် နေအိမ် ၁၀၀ ကျော် ပြာကျခဲ့တဲ့ သတင်းအပါအဝင် နောက်ဆုံးရသတင်း တွေကို တင်ဆက်ပေးပါမယ်။
