Khit Thit သတင်းဌာန၏ ဒီဇင်ဘာ ၃၀ ရက် နေ့လယ်ပိုင်း ရုပ်သံသတင်းအစီအစဉ်
ဒီကနေ့ ဒီဇင်ဘာ ၃၀ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-ရခိုင်ပြည်၊ ဂွမြို့နယ်မြို့သိမ်းတိုက်ပွဲမှာ စစ်တပ်ဘက်က တပ်မမှူး ဗိုလ်မှူးကြီး သန်းစိုးဝင်း၊ တပ်ရင်းမှူးတွေ အပါအဝင် စစ်သား ၇၀၀ ထက်မနည်းသေဆုံးပြီး သံချပ်ကာကားတွေ၊ လက်နက်ခဲယမ်းတွေနဲ့ စစ်သုံ့ပန်းတွေ ဖမ်းဆီးရရှိတယ်လို့ AA က တရားဝင်သတင်းထုတ်ပြန်ပါတယ်။
မကွေးတိုင်း၊ ဆောမြို့နယ်၊ ကျောက်ထုမြို့ အမြောက်တပ်အတွင်း တပ်မိသားစုဝင်အားလုံးကို ပြောင်းရွှေ့ပြီး အင်အား ၁၀၀ ခန့် ဖြည့်တင်းကာ ခုခံစစ်ပြင်ဆင်နေတယ်လို့ ယောအလင်းတန်းမှ ကိုမင်းဒဿက ပြောပါတယ်။
ရန်ကုန်တိုင်း၊ မရမ်းကုန်းမြို့နယ်၊ အမှတ် ၂ ရပ်ကွက်မှာ စစ်ကောင်စီရဲ့ အထူးတပ်ဖွဲ့က စစ်ဆင်ရေးပုံစံနဲ့ ဧည့်စာရင်းဝင်စစ်ပြီး ရခိုင်လူငယ် ၁၀ ဦးအပါအဝင် လူငယ်အများအပြားကို ဖမ်းဆီးသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်
