ဗမာလွတ်မြောက်ရေးဒီမိုကရက်တစ်တပ်ဦး၏ အခြေခံစစ်ပညာသင်တန်း အပတ်စဥ် ၃ သင်တန်းဆင်းပွဲ ပြုလုပ်
အညာဒေသ တစ်နေရာတွင် ဗမာလွတ်မြောက်ရေးဒီမိုကရက်တစ်တပ်ဦး( BLDF) ၏ အခြေခံစစ်ပညာသင်တန်း၊ အပတ်စဥ် ၃ ကျမ်းသစ္စာကျိန်ဆိုခြင်းနှင့် သင်တန်းဆင်းပွဲ အခမ်းအနားကို ဒီဇင်ဘာလ ၂၉ ရက်နေ့တွင် ပြုလုပ်ခဲ့ကြောင်း သိရှိရသည်။
အဆိုပါ အခမ်းအနားတွင် ဗဟိုကော်မတီမှ တာဝန်ရှိသူက သင်တန်းဆင်းမိန့်ခွန်းပြောကြားခြင်း၊ ကျမ်းသစ္စာကျိန်ဆိုခြင်း၊ သစ္စာရေသောက်ခြင်း၊ ထူးချွန်ဆုရ ရဲဘော်များကို ဆုချီးမြှင့်ခြင်းနှင့် သင်တန်းဆင်းရဲဘော်များ စစ်ရေးပြခြင်းများကို ပြုလုပ်ခဲ့ကြောင်း သိရှိရသည်။
