ရန်ကုန်၊ ဇန်နဝါရီ ၁
ရခိုင်ပြည်၊ ပုဏ္ဏားကျွန်းမြို့နယ်၊ ယိုးတရုပ်ကျေးရွာကို ယမန်နေ့ ဒီဇင်ဘာလ ၃၁ ရက်နေ့ စစ်ကောင်စီက စစ်လေယာဉ်ဖြင့် ဗုံးကျဲခဲ့ရာ ပြည်သူ ၅ ဦးသေဆုံးကြောင်း ဒေသသတင်းရင်းမြစ် APM က သတင်းဖော်ပြသည်။
ဒီဇင်ဘာလ ၃၁ ရက်နေ့ မွန်းလွဲ ၁ နာရီ ၂၅ မိနစ်နှင့် မွန်းလွဲ ၁ နာရီ ၃၁ မိနစ်အချိန် တို့တွင် ၂ ကြိမ် ဂျက်ဖိုက်တာလေယာဉ် ၁ စီးဖြင့်ဗုံးကျဲချခဲ့ကြောင်း၊ လေယာဉ်ဖြင့် ဗုံးကျဲမှုကြောင့် ပုဏ္ဏားကျွန်းမြို့နယ်၊ ယိုးတရုပ်ကျေးရွာမှ အသက် ၇၆ နှစ်အရွယ် ဒေါ်မသာလှ၊ တန်ခိုးရွာမှ အသက် ၂၅ နှစ်အရွယ် မဦးဆန်းနွယ်၊ ကွမ်းတောင်ရွာမှ အသက် ၁၈ နှစ်အရွယ် ကိုမျိုးဇော်ထွန်း တို့သေဆုံးကြောင်း ၊ ကျောင်းထိုင်ဆရာတော် ၁ ပါးနှင့် ပြည်သူ ၉ ယောက် ထက်မနည်း ဒဏ်ရာရရှိကြောင်း သိရှိရသည်။
ထို့ပြင် ပုဏ္ဏားကျွန်းမြို၊ စံပြရပ်ကွက်မှ အသက် ၉ နှစ်အရွယ် မောင်မျိုးဟိန်းအောင် နှင့် ယိုးတရုပ်ရွာမှ အသက် ၄၈ နှစ် အရွယ် ဦးလှဖြူ တို့လည်း ထပ်မံသေဆုံးသွားကြောင်း၊ စစ်လေယာဉ်ဖြင့် ဗုံးကျဲမှုကြောင့် စုစုပေါင်း သေဆုံးသူ ပြည်သူ ၅ ဦးရှိကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
