Khit Thit သတင်းဌာန၏ ဇန်နဝါရီ ၄ ရက် နေ့လယ်ပိုင်း ရုပ်သံသတင်းအစီအစဉ်
ဒီကနေ့ ဇန်နဝါရီ ၄ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-ရခိုင်ပြည်နယ်က တိုက်ပွဲတွေမှာ ကြောက်လန့်တကြား ထွက်ပြေးရင်းနဲ့ မိုင်းနင်းမိပြီး သေသွားတဲ့ စစ်ကောင်စီတပ်က ဗိုလ်မှူးချုပ် အောင်နေမျိုးနဲ့ လက်နက်ကြီး ထိပြီး ပွဲချင်းပြီး သေသွားတဲ့ ဗိုလ်မှူးကြီး ထွန်းထွန်းဝင်း ဆိုသူတို့ကို အကြမ်းဖက် မင်းအောင်လှိုင်က သေသွားပြီးမှ ရာထူးတစ်ဆင့်တိုးပေးပြီး သူရဲကောင်းဘွဲ့ တွေ ပေးနေပြန်တယ်လို့ စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။
ဒီကနေ့ ဇန်နဝါရီလ ၄ ရက်နေ့မှာ ကျရောက်တဲ့ ၇၇ နှစ်မြောက် လွတ်လပ်ရေးနေ့မှာ နိုင်ငံတစ်ဝန်းက အကျဉ်းသား၊ အကျဉ်းသူ ၅၈၀၀ ကျော်ကို လွတ်ငြိမ်းသက်သာခွင့်ပေးခဲ့တယ်လို့ စစ်ကောင်စီက ထုတ်ပြန်လာပါတယ်။
ပဲခူးတိုင်း၊ အုတ်ဖိုမြို့နယ်က အေးမြသာယာမြို့ကို PDF တပ်ဖွဲ့တွေက ဝင်ရောက် တိုက်ခိုက်မယ်ဆိုတဲ့ သတင်းရလို့ ဆိုပြီး အကြမ်းဖက် စစ်ကောင်စီတပ်က ပဲခူးရိုးမအစပ်မှာ မြေမြုပ်မိုင်းတွေ အမြောက်အများ လိုက်လံ ထောင်ထားတဲ့အတွက် ပြည်သူတွေ သွားလာရေး ခက်ခဲနေကြတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
