ဒီကနေ့ ဇန်နဝါရီ ၂၉ ရက် ညနေပိုင်း တင်ဆက်ပေးမယ့် သတင်းတွေကတော့
- မြန်မာနိုင်ငံမှာ စစ်မှုထမ်းလူငယ်တွေကို ရှေ့တန်း မထွက်ခိုင်းပါဘူးဆိုပြီး လိမ်လည် သတင်းထုတ်ပြန် ခဲ့ဖူးတဲ့ အကြမ်းဖက် စစ်ကောင်စီက အခုလက်ရှိ အမျိုးသမီးတွေကို စစ်မှုထမ်းခိုင်းဖို့ စာရင်းကောက်နေ တဲ့ သတင်းတွေဟာ မဟုတ်ပါဘူးဆိုပြီးတော့ပါ ငြင်းဆိုထုတ်ပြန်လာပြန်သလို ၊ တစ်ဖက်မှာတော့ အမျိုးသမီးစစ်မှုထမ်းစာရင်း ကောက်ခံရတဲ့ ကာယကံရှင်တွေကိုယ်တိုင် သက်ဆိုင်ရာ ရပ်ကျေး အုပ်ချုပ်ရေးမှူးတွေရဲ့ နာမည်နဲ့တကွ စာရင်းကောက်ခံရတဲ့အကြောင်းတွေကိုပါ ပြောထားကြပါတယ်။
- ကရင်နီပြည်နယ် ၊ လွိုင်ကော်မြို့နယ်က အကြမ်းဖက် စစ်ကောင်စီရဲ့ ဘောလခဲ အခြေစိုက် ခမရ ၄၂၉ တပ်ရင်းကနေ စစ်မှုထမ်း တပ်သားသစ် ၄ ဦးဟာ သေနတ် ၃ လက်နဲ့အတူ မရမက ထွက်ပြေးလာပြီး တော်လှန်ရေးတပ်တွေဆီမှာ အလင်းဝင်ရောက်လာတယ်လို့ Loikaw Local PDF ရဲ့တာဝန်ခံ လင်းလင်းက ရန်ကုန်ခေတ်သစ်ကို ပြောပါတယ်။
- ပဲခူးတိုင်းက အုတ်ဖိုမြို့နယ်မှာလည်း “PDF တွေကို မျိုးဖြုတ်ပစ်မယ်ဆိုပြီး ကြွေးကြော်ထားတဲ့ သဖန်းပင်ဆိပ် ကျေးရွာနေ စစ်မှုထမ်းဟောင်း တင်နိုင်ထွန်း ဆိုသူကို PDF တပ်ဖွဲ့တွေကပဲ ပစ်ခတ် ရှင်းလင်းရာမှာ ပွဲချင်းပြီးကို သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
