ရေစကြိုမြို့ ထွေ/အုပ်ရုံးကို ၄၀ မမ ဗုံးသီးဖြင့် ပစ်ခတ် တိုက်ခိုက်မှု စစ်တပ် ဘက်မှ ၃ ဦး ဒဏ်ရာရ
မကွေးတိုင်း၊ ရေစကြိုမြို့ ထွေ/အုပ်ရုံးကို ၄၀ မမ ဗုံးသီးဖြင့် ပစ်ခတ် တိုက်ခိုက်ရာ အကြမ်းဖက် စစ်တပ် ဘက်မှ ၃ ဦး ဒဏ်ရာရရှိခဲ့ကြောင်း Myingyan Black Tiger (MBT)တပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဇန်နဝါရီလ ၃၀ ရက်နေ့ နံနက် ၅ ခန့်တွင် ရေစကြိုမြို့ရှိ ရုံးပေါင်စုံ (ထွေ/အုပ်ရုံး) ၌ တပ်စွဲထားသော အကြမ်းဖက် စစ်ကောင်စီ တပ်သားများကို Myingyan Black Tiger (MBT) တပ်ဖွဲ့က ပြောက်ကျား နည်းဗျူဟာ အသုံပြု၍ ၄၀ မမ ဗုံးသီးဖြင့် သွားရောက်ပစ်ခတ် တိုက်ခိုက်ခဲ့ကြောင်း သိရသည်။
အဆိုပါ တိုက်ခိုက်မှု အတွင်း စစ်ကောင်စီ တပ်သား ၂ ဦးနှင့် စစ်ကောင်စီ တပ်သား၏ ဇနီး ၁ ဦး စုစုပေါင်း ၃ ဦး ထိခိုက် ဒဏ်ရာရရှိခဲ့ကြောင်း၊ Myingyan Black Tiger (MBT) တပ်ဖွဲ့ မြို့ပြစစ်ဆင်ရေးကို ထပ်မံ ကြိုးစား လုပ်ဆောင်သွားမည် ဖြစ်ကြောင်း သိရှိရသည်။
ပြည်သူများအနေဖြင့်လည်း စစ်ကောင်စီ တပ်စခန်းများ၊ စစ်ကောင်စီ လက်အောက်ခံ လက်နက်ကိုင် ဝန်ထမ်းများရှိရာ နေရာများတွင် အနားယူခြင်းနှင့် နီးကပ်စွာ သွားလာခြင်းမပြုရန် Myingyan Black Tiger (MBT) တပ်ဖွဲ့က အသိပေး နှိုးဆော်ထားသည်။
