မင်းအောင်လှိုင်လက်ထက် မြန်မာနိုင်ငံက ၂၀၂၄ ခုနှစ်အတွက် အဆင်းရဲဆုံးသော အာရှနိုင်ငံ ၁၀ ခုစာရင်းတွင် တတိယ နေရာချိတ်
အကြမ်းဖက် စစ်ခေါင်းဆောင် မင်းအောင်လှိုင်လက်ထက်တွင် မြန်မာနိုင်ငံမှာ ၂၀၂၄ ခုနှစ်အတွက် အဆင်းရဲဆုံးသော အာရှနိုင်ငံ ၁၀ ခုစာရင်းတွင် တတိယနေရာ ရရှိကြောင်း World Population Review ၏ အစီရင်ခံထုတ်ပြန်ချက်အရ သိရှိရသည်။
အာရှဒေသသည် ကြီးမားကျယ်ပြန့်သော စီးပွားရေးအခွင့်အလမ်းများစွာရှိသော်လည်း အချို့သောနိုင်ငံများသည် ဆင်းရဲမွဲတေမှုကြောင့် ကြီးမားသော စိန်ခေါ်မှုများကို ရင်ဆိုင်နေရကြောင်း၊ အဆင်းရဲဆုံးနိုင်ငံများတွင် လူတစ်ဦးချင်း၏တစ်နှစ် GNI per capita (Gross National Income) ဝင်ငွေမှာ နိမ့်ကျနေကြောင်း အစီရင်ခံစာက ဆိုသည်။
World Population Review အစီရင်ခံစာအရ အာဖဂန်နစ္စတန်သည် အာရှနိုင်ံတွင် အဆင်းရဲဆုံးနိုင်ငံဖြစ်ပြီး GNI per capita တစ်ဦးချင်း ဝင်ငွေမှာ ၂၀၂၄ ခုနှစ်တွင် အမေရိကန်ဒေါ်လာ ၁၆၉၀ သာရှိကြောင်း၊ အာဖဂန်နစ္စတန်တွင် ကာ လ ရှည်ကြာ ပဋိပက္ခများ၊ အကျင့်ပျက်ခြစားမှုနှင့် စီးပွားရေး မတည်ငြိမ်မှုများက နိုင်ငံ၏ ဖွံ့ဖြိုးတိုးတက်မှုကို ဆိုးရွားစွာ ဟန့်တားထားကြောင်း သိရှိရသည်။
နီပေါနိုင်ငံက အာရှတွင် ဒုတိယအဆင်းရဲဆုံးနိုင်ငံဖြစ်ပြီး မြန်မာနိုင်ငံက တတိ ယ အဆင်းရဲဆုံးနိုင်ငံဖြစ်လာကြောင်း၊ မြန်မာနိုင်ငံတွင် လူတစ်ဦးချင်း GNI per capita ဝင်ငွေမှာ ၂၀၂၄ ခုနှစ်အတွက် အမေရိကန်ဒေါ်လာ ၄၇၆၀ သာရှိကြောင်း၊ စတုတ္တအဆင်းရဲနိုင်ငံမှာ တီမောနိုင်ငံဖြစ်ကြောင်း သိရှိရသည်။
အဆိုပါ နိုင်ငံများတွင် နိုင်ငံရေးမတည်ငြိမ်မှုနှင့် အုပ်ချုပ်စီမံခန့်ခွဲမှုများမှာ ညံ့ ဖျင်းနေပြီး နိုင်ငံတိုးတက်မှု အလားအလာများကို ကန့်သတ်ဟန့်တားနေကြောင်း သိရှိရသည်။
အာရှအဆင်းရဲဆုံးသော ၁၀ နိုင်ငံစာရင်းတွင် တာဂျစ်ကစ္စတန် ၊ ကာဂျစ်စတန် ၊ပါကစ္စတန် နှင့် ဘင်္ဂလားဒေ့ရှ် ၊ပါလက်စတိုင်းတို့လည်း ပါဝင်ကြောင်း၊ အိန္ဒိယနိုင်ငံမှာမူ လူတစ်ဦးချင်း GNI ဝင်ငွေမှာ ဒေါ်လာ ၈၂၁၀ ရှိသော်လည်း လူဦးရေ အလွန်များပြားခြင်း၊ စာတတ်မြောက်မှုနှုန်း နည်းပါးခြင်းနှင့် ချမ်းသာကြွယ်ဝမှု ကွာဟခြင်းများ ဆက်လက်ရှိနေသဖြင့် ကမ္ဘာ့ပဉ္စမမြောက် အကြီးဆုံးစီးပွား ရေးနိုင်ငံဖြစ်လင့်ကစား အာရှ၏ ဆင်းရဲသော ၁၀ ခုမြောက် နိုင်ငံအဖြစ်ပါဝင်နေကြောင်း အစီရင်ခံစာက ဆိုသည်။
