အကြမ်းဖက်စစ်ကောင်စီက ငလျင်ဘေးကူညီရေးဟုဆိုကာ စက်မှုဇုန်တစ်ဇုန်လျှင် ငွေကျပ်သိန်း ၂၀၀ အဓမ္မတောင်းခံ

ရန်ကုန်၊ မတ် ၃၁

အကြမ်းဖက်စစ်ကောင်စီက ငလျင်ဘေးကူညီရေးဟုဆိုကာ စက်မှုဇုန်တစ်ဇုန်လျှင် ငွေကျပ်သိန်း ၂၀၀ အဓမ္မတောင်းခံလာကြောင်း စစ်ကောင်စီက လှိုင်သာယာမြို့နယ်၊ ရွှေလင်ပန်း စက်မှုဇုန်ထံသို့ ပေးပို့သော စာအရ သိရှိရသည်။

မတ်လ ၂၈ ရက်နေ့ ဖြစ်ပွားခဲ့သော ငလျင်ဒဏ်ကြောင့် နေပြည်တော်၊ မန္တလေးနှင့် စစ်ကိုင်းတိုင်းတို့တွင် ပျက်စီး ဆုံးရှုံးမှုများနှင့် သေဆုံးထိခိုက်မှုများရှိကြောင်း၊ ထို့ကြောင့် ငလျင်ဘေးကူညီရေးအတွက် စစ်ကောင်စီက စက်မှုဇုန် တစ်ဇုန်လျှင် ငွေကျပ် သိန်း ၂၀၀ လှူဒါန်းရန် ပြောဆိုလာကြောင်း သိရှိရသည်။

ထို့ကြောင့် စက်မှုဇုန် လုပ်ငန်းရှင်များအနေဖြင့် ဧပြီလ ၄ ရက်နေ့ နောက်ဆုံးထား၍ စက်ရုံတစ်ရုံလျှင် ငွေကျပ် ၁ သိန်းနှုန်းဖြင့် လှူဒါန်းပေးရန် လှိုင်သာယာမြို့နယ်၊ ရွှေလင်ပန်းစက်မှုဇုန်စီမံခန့်ခွဲရေးကော်မတီက နှိုးဆော်ထားသည်။

ရန်ကုန်တိုင်းအတွင်းတွင် စက်မှုဇုန် ၂၉ ဇုန်ရှိပြီး စက်မှုဇုန်များအားလုံးမှာလည်း လျှပ်စစ်မီး မရသဖြင့် လုပ်ငန်းများကို ယာယီရပ်နားထားရကြောင်း စက်မှုဇုန်လုပ်ငန်းရှင်များထံမှ သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar