ချမ်းအေးသာစံမြို့နယ် Golden Country ဟိုတယ် ပြိုကျမှုတွင် ၅ ရက်ကျော်ကြာ ပိတ်မိနေသူ တစ်ဦးကို အသက်ရှင်လျက် ကယ်ထုတ်နိုင်ခဲ့
မန္တလေးမြို့၊ ချမ်းအေးသာစံမြို့နယ် Golden Country ဟိုတယ် ပြိုကျမှုတွင် ၅ ရက်ကျော်ကြာ ပိတ်မိနေသူ တစ်ဦးကို အသက်ရှင်လျက် ကယ်ထုတ်နိုင်ခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယနေ့ ဧပြီလ ၂ ရက်နေ့ ညနေပိုင်းတွင် ချမ်းအေးသာစံမြို့နယ်၊ ၆၅ လမ်း၊ ၃၁လမ်းနဲ့ ၃၂ အကြားရှိ Golden Country ဟိုတယ် ပြိုကျနေမှုမှ ၅ ရက်ကျော်ကြာပိတ်မိနေသူ အသက် ၅၂ နှစ်အရွယ် အမျိုးသား ၁ ဦးကို တရုတ်ကယ်ဆယ်ရေးအဖွဲ့က ကယ်ထုတ်နိုင်ခဲ့ခြင်းဖြစ်ကြောင်း သိရသည်။
“Golden Country ဟိုတယ် ပြိုကျနေမှုမှာ ပိတ်မိနေတဲ့ အမျိုးသား ၁ ဦးကို တရုတ် ကယ်ဆယ်ရေး အဖွဲ့က ကယ်ထုတ်နိုင်ခဲ့တယ်လို့ သိရတယ်။ ပိတ်မိသူတွေ ရှိမရှိဆိုတာတော့ ထပ်ရှာနေကျတယ်” ဟု ဒေသပြည်သူ တစ်ဦးက ပြောဆိုသည်။
လက်ရှိချိန်တွင် တရုတ်ကူညီကယ်ဆယ်ရေးအဖွဲ့သည် အသက်ရှင်လျက် ကယ်ထုတ်နိုင်သူ ၉ ဦးမြောက်ရှိပြီဖြစ်ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
