ရန်ကုန်၊ ဧပြီ ၃
စစ်ကိုင်မြို့ သကျဓီတာ သီလရှင် စာသင်တိုက်ပြိုကျမှုတွင် အဆုတ်အထူးကု ဆရာဝန်မကြီး ဒေါက်တာသန္တာ သွင် အပါအဝင် ပြည်သူ ၃ ဦးသေဆုံးပြီး ကျောင်းတိုက်နာယက ဆရာတော် ၃ ပါးအပါအဝင် ၆ ပါး ပျံ လွန်တော်မူခဲ့ကြောင်း သကျဓီတာ သီလရှင်စာသင်တိုက်မှ ဆရာလေးမဝံသ က ရန်ကုန်ခေတ်သစ်သတင်းဌာနသို့ မိန့်ကြားသည်။
မတ်လ ၂၈ ရက်မွန်းတည့် ၁၂ နာရီ ၅၂ မိနစ်က စစ်ကိုင်းမြို့ဗဟိုပြု၍ မြေငလျင်လှုတ်ခတ်စဉ် စစ် ကိုင်းမြို့၊ နန်ဦးမြို့သစ် ၊ ဆွမ်းဦးပုညရှင်ဘုရားအနီးရှိ သကျဓီတာ သီလရှင်စာသင်တိုက်ပြိုကျခဲ့ရာ ကျောင်းတိုက်အတွင်းနေ သီလရှင်ဆရာတော်ကြီးတစ်ပါး၊ နာယက ဆရာတော် ၂ ပါး၊ စာသင်စား ဆရာလေး ၃ ပါး၊ သီလရှင်ဆရာလေးများကို ဥပုသ်နေ့အပတ်စဉ်တိုင်း ကျန်းမာရေးစောင့်ရှောက်မှု ပေးနေသည့် အဆုတ်အထူးကုဆရာဝန်မကြီးဒေါက်တာ သန္တာသွင်အပါအဝင် ၃ ဦး သေဆုံးခဲ့ကြောင်း သိရသည်။
“ဥပုသ်နေ့တိုင်းကို ဆရာမကြီးက အပတ်တိုင်းလာပြီး ဆရာလေးတွေကို ကျန်းမာရေးစောင့်ရှောက်မှု ပေးတာ၊ အဲဒီနေ့ကလည်း ဥပုသ်နေ့ဖြစ်နေတော့ ဆရာမက ကျောင်းရောက်နေတာပေါ၊ တိုက်အုပ် ပဓာန နာယက ဖွားဖွားကြီး တစ်ပါးရယ်၊ စာချ နာယက ဆရာ ၂ ပါး၊ စာသင်သားဆရားလေးက ၃ ပါး၊ ဒကာမကတော့ ဆရာမ အပါအဝင် ၃ ယောက်ပေါ့။ ပျက်စီးသွားတဲ့ကျောင်းကတော့ ရှင်းလင်းလို့ ပြီးတော့ မပြီးသေး ဘူး ။ ရှင်းလင်းနေတုန်းပဲရှိသေး တယ်။ ရုပ်အလောင်းအကုန်လုံးကတော့ ထုတ်ပြီးပါပြီ။ သင်္ဂြိုလ်တာ တွေလုပ်ပြီးပြီ။ ဖော်လို့ရတဲ့နေ့က ချက်ချင်းသင်္ဂြိုလ်လိုက်ကြတယ်” ဟု သကျဓီတာ သီလရှင်စာသင် တိုက်မှ ဆရာလေးမဝံသ က ရန်ကုန်ခေတ်သစ်သတင်းဌာနသို့ မိန့်ကြားသည်။
အဆုတ်အထူးကု ဆရာဝန်မကြီး ဒေါက်တာ သန္တာသွင်သည် အပတ်စဉ် စနေနေ့တိုင်း သူမနေထိုင်ရာ မန္တလေးမြို့မှ စစ်ကိုင်းမြို့၊ နန်းဦးမြို့သစ်ရှိ သကျဓီတာသီလရှင်စာသင်တိုက်သို့ သွားကာ စာသင် သား သီလရှင် ၃၀၀ ကျော် တို့အား ကုသိုလ်ဖြစ် ဆေးကုသခြင်းကို နှစ်ပေါင်းမြောက်မြားစွာ ပျက် ကွက်မှုမရှိ ပြုလုပ်ခဲ့သူဖြစ်ကြောင်း သိရသည်။
ငလျင်လှုပ်ခတ်သည့်နေ့က သကျဓီတာကျောင်း ဆေးခန်း၌ မကျန်းမာသူ ဆရာလေးများအား ဆေး ကုသနေစဉ် ငလျင်ကြီးလှုပ်ကာ ကျောင်းပြို၍ ဆရာဝန်မကြီးနှင့် ကျောင်းဒါယိကာမ ဖြစ်သူ ဆရာဝန် မကြီး၏ ညီမတဝမ်းကွဲတို့သည် ဆရာလေးတချို့နှင့်အတူ ကွယ်လွန်ခဲ့ကြရကြောင်း၊ ယင်းအဖြစ်ကို မျက်မြင်တွေ့ရသော တိုက်အုပ်သီလရှင်ဆရာကြီးလည်း အလွန်စိတ်ထိခိုက်သဖြင့် ရုတ်တရက် နှလုံး ရပ်ကာ ထိုနေရာ၌ပင် ချက်ခြင်းကွယ်လွန်ခဲ့ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
